9
1 थुकथं सकल इस्राएलीतय्गु नां इस्राएलया जुजुपिनिगु इतिहासय् दुगु वंशावलीया धलखय् च्वल।
ज्वनायंकूपिं यरूशलेमय् लिहां वःगु
यहूदायापिं मनूतय्त थःगु विश्वासघातं यानाः बेबिलोनय् ज्वना यंकल।
2 ज्वना यंकूगु थासं लिहां वयाः थथःगु शहरय् दुगु थथःगु सम्पत्तिइ दकलय् न्हापां च्वंपिं इस्राएलीत, पुजाहारीत, लेवीत व देगलय् सेवा याइपिं मनूत खः।
3 यरूशलेमय् च्वंवःपिं यहूदा, बेन्यामीनी, एफ्राइम व मनश्शेया कुलयापिं थुपिं खः –
4 अम्मीहूदया काय् उत्तै। अम्मीहूद ओम्रीया काय् व इम्रीया छय्, बानीया छुइ खः। बानी फारेसया सन्तान खः।
5 यरूशलेमय् च्वंपिं शीलोनीत थुपिं खः – न्हापां बूम्ह असायाह व वया काय्पिं।
6 यरूशलेमय् च्वंवःपिं जेरहाती थुपिं खः – यीएल। फुक्क यानाः यहूदा कुलयापिं ६९० परिवार लिहां वल।
7 यरूशलेमय् च्वंवःपिं बेन्यामीनीत थुपिं खः – सल्लू, व मशुल्लामया काय्, होदबियाया छय्, व हस्सेनूअया छुइ खः।
8 यरोहामया काय् यिब्नियाह अले मिक्रीया छय्, उज्जीया काय् एलाह। अले शपत्याहया काय्, रूएलया छय् व यिबनियाया छुइ मशुल्लाम।
9 बेन्यामीनया वंशावलीकथं यरूशलेमय् इमि ९५६ म्ह मनू दु। इपिं सकलें थथःगु परिवारया मू मनूत खः।
लिहांवःपिं पुजाहारीत
10 यरूशलेमय् च्वंवःपिं पुजाहारीत थुपिं खः – यदायाह, यहोयारीब, याकीन,
11 अजर्याह हिल्कियाहया काय् खः, हिल्कियाह मशुल्लामया काय् खः, मशुल्लाम सादोकया काय् खः। सादोक मरायोतया काय् खः। मरायोत परमेश्वरया देगः स्वइम्ह अहीतूबया काय् खः।
12 यरोहामया काय् अदायाह, यरोहाम पशहूरया काय् व मल्कियाहया छय् खः। अले अदीएलया काय् मासै, अदीएल यहजेराया काय् व मशुल्लामया छय् व मशिलेमीतया छुइ खः। मशिलेमीत इम्मेरया काय् खः।
13 अन १,७६० म्ह पुजाहारी दु। इपिं थःथः परिवारया नायः खः। इपिं परमेश्वरया देगलय् ज्या यायेफुपिं मनूत खः।
लिहांवःपिं लेवीत
14 लिहांवःपिं लेवीत थुपिं खः – हश्शूबया काय् शमायाह, हश्शूब अज्रीकामया काय् खः, अज्रीकाम हशब्याहया काय् खः। हशब्याह मरारीया सन्तान खः।
15 अले बक्बक्कर, हारेश, गालाल, व मीकाया काय् मत्तन्याह, मीका जिक्रीया काय् खः। जिक्री आसापया काय् खः।
16 अले शमायाहया काय् ओबदिया, शमायाहया गालालया काय् व यदूतूनया छय् खः। अले आसाया काय् बेरेक्याह, आसा एल्कानाया छय् खः, एल्काना नतोपातीतय् शहरया इलाकाय् च्वनीगु खः।
17 यरूशलेमय् ध्वाखा पिवाःत लिहांवःपिं थुपिं खः – शल्लूम, अक्कूब, तल्मोन, अहीमन व इमि किजापिं। इमि दाजु शल्लूम नायः खः।
18 थुबलय् तक व देगःया पुर्बपाखे च्वंगु जुजुया ध्वाखाय् पिवाः खः। इपिं लेवीतय् छाउनीया लुखा पिवाःत खः।
19 कोरेया काय् शल्लूम, कोरे कोरह वंशयाम्ह एब्यासापया सन्तान खः। कोरह वंशयापिनिगु ज्या नापलायेगु पालया मू ध्वाखाय् पिवाच्वनेगु खः। इमि पुर्खापिन्सं नं अथे हे परमप्रभु च्वनादीगु पवित्र पालया ध्वाखाय् पिवाच्वनेगु ज्या याःगु खः।
20 न्हापा छगू इलय् एलाजारया काय् पीनहास इमिगु ज्या स्वइम्ह हाकिम खः। परमप्रभु वनापं दी।
21 मेशेलेम्याहया काय् जकरिया नापलायेगु पालया ध्वाखा पिवाः खः।
22 २१२ म्ह मनूयात देगःया ध्वाखा पिवाःया ज्या यायेत ल्यःगु खः। इमिगु नां गांगांया नां वंशावलीया धलखय् च्वःगु दु। इमि पुर्खायात अज्याःगु विश्वास बहःगु ज्या यायेत दाऊद व अगमवक्ता शमूएलं ल्यःगु खः।
23 नापालायेगु पालया ध्वाखाय् पिवाः च्वनेगु ज्या इमिगु व इमि सन्तानयागु खः।
24 ध्वाखा पिवाःत पुर्ब, पश्चिम, उत्तर व दच्छिन प्यखेरं दु।
25 अले इमि थःथितित थथःगु गामं न्हय्न्हु लिपा पालंपाः इपिंनापं च्वनेत वयेमाः।
26 प्यम्ह मू पिवाः च्वनिपिं मनूत नं लेवीत जुइगु। परमेश्वरयागु देगःया क्वथा व सम्पत्ति इमिगु जिम्माय् खः।
27 चान्हय् इपिं परमेश्वरया देगःया लिक्क च्वनीगु खः। छाय्धाःसा देगःया रक्षा यायेगु व सुथ पतिक देगःया ध्वाखात चाय्केगु ज्या इमिगु खः।
28 छुं मेपिं लेवीतय्गु जिम्माय् देगलय् छ्यलिगु थलबल दु। इमिसं थलबल पित यंकीबलय् ल्याः खानाबीगु अले ल्याः खानाः लित काइगु।
29 मेपिं ध्वाखा पिवाःतय्गु जिम्माय् मेगु सामान, छुचुं, दाखमद्य, जैतूनया चिकं, गुँगू व मसला दु।
30 छुं पुजाहारीतय्सं मसला ल्वाक छ्यायेगु ज्या याइगु।
31 कोरह वंशयाम्ह शल्लूमया तःधिकःम्ह काय् लेवी मत्तित्याहया ज्या देछाया मरि छुइगु खः।
32 इमि कोरह वंशयापिं छुं दाजुकिजापिनिगु ज्या विश्रामबार पतिकं छायेहःगु मरि तयातःगु तेबिलय् मरि तयार यायेगु खः।
33 म्ये हालीपिं व बाजं थाइपिं लेवीत गुपिं लेवीतय् परिवारया नायःत खः। इमिगु लागि अलग यानातःगु क्वथाय् च्वनीगु। इमिसं छुं नं ज्या याये म्वाः, छाय्धाःसा इमित चान्हय् नं न्हिनय् नं ज्या यायेत सःतिगु।
34 इपिं सकलें परिवार परिवारयापिं नायःत खः। इमिगु नां इमिगु वंशावलीया धलखय् च्वयातःगु दु। इपिं यरूशलेमय् च्वनीगु खः।
जुजु शाऊलया पुर्खा व सन्तान
35 गिबोन शहर पलिस्था याःम्ह यीएल गिबोनय् च्वनीगु खः। वया कलाःया नां माका खः।
36 वया तःधिकःम्ह काय् अब्दोन व मेपिं काय्पिं – सूर, कीश, बाल, नेर, नादाब,
37 गदोर, अहियो, जकरिया व मिक्लोत खः।
38 मिक्लोत शिमामया बाः खः। इपिं नं यरूशलेमय् थःथितितय् लिक्क च्वनीगु।
39 नेर कीशया बाः खः, अले कीश शाऊलया बाः खः। शाऊल जोनाथन, मल्कीशूअ, अबीनादाब व एश्बालया बाः खः।
40 जोनाथन मरीब्बालया बाः व मरीब्बाल मीकाया बाः खः।
41 मीकाया पेम्ह काय्पिं दु। इमिगु नां पीतोन, मेलेक, तहरै व आहाज खः।
42 आहाज यादाहया बाः खः, अले यादाहया स्वम्ह काय्पिं दु। इमिगु नां आलेमेत, अज्मावेत व जिम्री खः। जिम्री मोसया बाः खः।
43 मोस बेनेया बाः, बेने रपायाहया बाः, रपायाह एलासाया बाः व एलासा आसेलया बाः खः।
44 आसेलया खुम्ह काय्पिं दु – इमिगु नां अज्रीकाम, बोकरू इश्माएल, शार्याह, ओबदिया व हानान खः।
थुपिं सकलें आसेलया काय्पिं खः।