114
Catli Toteco quinchihuili nopa israelitame ipan tlali Egipto
1 Huejcajya quema nopa israelitame quisque ipan tlali Egipto,
campa nopa masehualme camanaltij seyoc camanali,
2 hualajque huan quichijque itiopa Toteco ipan tlali Judá para nopona ma mocahua ininhuaya,
huan nochi tlali Israel eltoya itlal campa nojquiya yaya tlanahuati.
3 Quema nopa Hueyi Atl Chichiltic quinitac hualahuij nopa israelitame,
nimantzi moisihuilti huan motlapo para ma panoca campa tlahuactoc.
Nojquiya nopa atemitl Jordán motlapo para ma panoca.
4 Nochi paquiyayaj hasta elqui quen nopa tepeme tzicuinque ica paquilistli quen chivojme,
huan nopa tlaixtemolis tzicuinque quen pilborregojtzitzi.
5 ¿Tlaque panoc ica nopa Hueyi Atl Chichiltic?
¿Para tlen motlajcoxelo?
Huan nopa atemitl Jordán, ¿para tlen moquetzqui?
6 Huan nopa tepeme, ¿para tlen tzicuinque quen chivojme?
Huan nochi tlaixtemolistli,
¿para tlen tzicuinque quen pilborregojtzitzi?
Elqui pampa nochi tlahuel quitlepanitaj Toteco.
7 Nochi tlaltipactli huihuipica iixpa TOTECO,
yaya catli iTeco Jacob,
8 pampa yaya quichijqui para ipan nopa tetl ma meya atl.
Quena, yaya quiquixti atl ipan nopa tetl huan mochijqui quen se hueyatl.