13
Se netlatlajtili para quitlajtlanis itlapalehuil TOTECO
1 TOTECO, ¿hasta quema techelcajtos?
¿Ayacmo quema techelnamiquis?
Nijmati techcuanetlatilía quema nimitztemohua.
2 ¿Hasta quema nijpiyas tequipacholi ipan noyolo huan noyoltzi tlaijiyohuijtinemis?
¿Hasta quema nocualancaitaca noja nechtlanis?
3 Techtlachili huan technanquili, TOTECO.
¡NoTeco Dios!
Techmaca tlahuili para nitlachiyas ipan ni tzintlayohuilotl huan amo nimiquis.
4 Amo xijcahuili nocualancaitaca ma quiijto nechtlanqui.
Amo techcahuili ma nihuetzi para ma amo noca huetzcaca inijuanti catli nechcualancaitaj.
5 Na nimotemachijtoc ipan moteicnelijcayo catli huejcahua para nochipa.
Nipaqui ipan noyolo pampa techmaquixtijtoc.
6 Nihuicas para ta, TOTECO,
pampa miyac catli cuali techchihuilijtoc.