133
Nelía yejyectzi nesi quema timosentilíaj ininhuaya toicnihua
1 Xiquitaca, nelía cuali huan yejyectzi nesi para icnime ma mocahuaca sentic ica san se ininyolo.
2 Quema san se ininyolo masehualme, eltoc yejyectzi quen nopa aceite catli quitequilijque Aarón ipan itzonteco,
huan temoc ipan itentzo huan yajqui hasta iteno iyoyo.
3 Eltoc yejyectzi huan nesi quen nopa ajhuachtli catli huetzi ipan tepetl Hermón huan moxixitohua ipan tepetl Sion.
Pampa campa itztoque sentic ica san se ininyolo masehualme,
TOTECO nopona quititlani tlatiochihualistli huan nemilistli para nochipa.