149
Nochime ma quipaquilismacaca Toteco
1 Xijpaquilismacaca TOTECO.
Xihuicaca para TOTECO se huicatl yancuic.
Nochi amojuanti animasehualhua,
xijhuicatica Toteco por nochi catli quichijtoc.
2 Anisraelitame, ximopaquilismacaca ipan Toteco pampa yaya anmechchijchijqui.
Anmasehualme ipan altepetl Jerusalén,
ximopaquilismacaca ipan amotlanahuatijca.
3 Xijpaquilismacaca TOTECO ica mijtotilistli.
Huan xihuicaca ica pandero huan ica arpa.
4 Pampa Toteco quipantía paquilistli ipan imasehualhua,
huan quinmaquixtía catli moechcapanohuaj iixpa.
5 Nochi catli iaxcahua TOTECO ma paquica pampa yaya tlahuel hueyi ihueyitilis.
Huan hasta quema ya motectoque ipan inintlapech noja ma quihuicatica.
6 Ma quihueyitlalica TOTECO nochi imasehualhua.
Quipixtoc ipan imax se machete catli oncac tlatequi,
7 para ica quincuepilis nopa sequinoc tlalme catli quinchihuilijque catli amo cuali,
huan para ica quintlatzacuiltis.
8 Ma quinilpica inintlanahuatijcahua huan inintlayacancahua ica tepos cadena,
9 para quiselise nopa tlatzacuiltili catli ya eltoc tlasencahuali.
Huan ica ni TOTECO quinhueyitlalis nochi itlatzejtzeloltijca masehualhua.
¡Ma nochi quipaquilismacaca TOTECO!