87
Nelía elis se hueyi paquilistli para catli ehuaj altepetl Jerusalén
1 Altepetl Jerusalén eltoc ipan nopa tepetl tlatzejtzeloltic catli iaxca Toteco.
2 Huan TOTECO quiicnelía Jerusalén achi más que nopa sequinoc pilaltepetzitzi ipan tlali Israel.
3 Quena, Jerusalén eltoc ialtepe Toteco Dios,
huan quema masehualme quielnamiquij,
camanaltij nelyejyectzi tlen nopa altepetl.
4 Quema tlatlajco nohuampoyohua niquintocaxtía nopa tlalme catli inintoca Egipto, Babilonia, Filistea, Tiro huan Etiopía,
itztos se catli mohueyimatis pampa tlacatqui ipan se tlen nopa tlalme.
5 Pero ajsis tonali quema masehualme quiselise más hueyi tlatlepanitacayotl pampa tlacatque ipan altepetl Jerusalén,
pampa Toteco Catli Más Hueyi quitiochihuas ni altepetl.
6 Huan TOTECO quiijcuilos inintoca nochi catli itztoque ipan nopa altepetl.
Huan nochi catli tlacatque nopona quintlalilis se tlanextili campa ijcuilijtos inintoca.
7 Huan quema ilhuichihuase inijuanti, huicase ica paquilistli huan quiijtose:
“Nochi noyolo nijtlalijtoc ipan Jerusalén.”