122
Na linge ni tona dato, nina David.
1 Inau tu togotogo tara bosa vaniu te vagha eni,
“Mai ighita ka tona tana valena Lord.”
2 Mi taeni tai tughuru lokani nimua na lei mataula ni peo, ighoe Jerusalem.
3 Jerusalem na komu tara kisugho, me talukolu ngasi ngangata.
4 Na vure ni Israel,
nina vure Lord,
gaira tara holohabana na ahana Lord,
te vagha na vetena te bosa.
5 Iga te ghaha na malei sopou ni dete,
nina malei sopou na vunaghi David.
6 Kau kokoeliulivuti na mabo ni Jerusalem,
ma gaira tara dolovia na komu eni kara sepalaghi.
7 Ighoe Jerusalem, na mabo ke ghahai loka nina peomu,
mana halilaghi te ghahai tana lei vale ni haba.
8 Mana pukuna na lei hoghogu mana ghagua na komu kolu,
inau ku ghaghua na mabo itamiu.
9 Na pukuna na valena Lord dida na God,
inau ku kenea na hava ke uto vanigho, ighoe Jerusalem.