127
Na linge ni tona dato. Nina Solomon.
1 A Lord mughua ke kisua na vale,
me ke mua luvu lee didira na lutu tara kiukisua.
Ma Lord sughua ke righitaonia na komu,
nia nina vatogha ge ke uto.
2 Taho na pukuna na lutu laga,
te vuivuni tana puipungi me sara tana nulavi bongi,
ma nia vaivarighohi na vanga,
Ma God te vahera na aheahe ahei te dolovira.
3 Na lei gari pile a nina hevei lee Lord,
gaira te tunuvaghau nia mai.
4 Na lei gari pile tara sivuragha na lei tinoni vaolu,
te vagha na kuali vangalua tana lima ni malaghai.
5 God te holoutoa na tinoni te vonughighi na limadira!
gaira kara mua maa tana bona kara hughuhughu kolura
tara huru va tana mataula ni peo.