128
Na linge ni tona dato.
1 Holoutora gaira ahei tara nia kikinima Lord,
mara taonighi na lei halautuna!
2 Ighoe ko nia togotogo sule vaa,
mo ko lologho au va tana volamu.
3 Na taumu ke vagha na kaio te vuvungugha,
tara vatoro tana bebetemu.
Mo ko righira gaira na lei gari,
tara sopou talighutia na bela ni vanga,
tara kotukotu mara marabu vagha taotaro.
4 Vagha ghua keri nina hevei Lord
vanira gaira tara nia kikinima.
5 Ma nina vauto Lord ke tona haliu mai vuvungamu i Zion.
Mi ghoe ko righia Jerusalem ke halilaghi tana bongimu to vola.
6 Mo ko righira mo ko nira togotogo na lei kukuamu,
ma gaia Israel ke todore tana mabo.