129
Na linge ni tona dato
1 Tana garimaneagu, mai ghagua na levunimate tara gunaliu,
mi taeni Israel te ghoi bosa,
2 Tana gharimaneagu mai na ghagua na levunimate tara gunaliu,
Hauva mara mua ni tangomana.
3 Na murigu te bubuto,
te vagha na vatogha leghai
te ivui na vutuvutu daro.
4 Ma Lord te uto, te kosai na lei tali halo tara pitiu nia.
5 Gaira tara nia sika Jerusalem,
kara maa ma kara ririu pulohi,
na pukuna tara laga vulera.
6 Ko nera gaira ge kara vagha na buburu tana vouvotu ni vale,
te sasagha vaho te tavuti.
7 Te nia ponolio na tinoni te siosio,
me nia sika na na tinoni te vahikolu.
8 Ma gaira tara sakutua padi tara hove na headira na vauto.
ma nina vauto Lord ke kabu i vuvungamiu.
Vauto ghau tana ahana Lord.