130
Na linge ni tona dato
1 Lokana nigua na vahola, Ghe Lord,
Inau tu kenea nimua na hahanga.
2 Mo ko ronovighi mai nigua na ngangaraha,
mo ko talu kulimu mai tua nigua na kokoeliulivuti.
3 Ke vagha, ko pangotighi na gegereni na lei palumami ke,
Ghe Lord, [ma] ahei ghua ke vola?
4 Ighoe vamua to nia hevei nimua na talukeha palu,
ge ighai kai naunaua na nigho kikinima.
5 Gaia Lord ke pada maemaneu inau,
Eo, gaia ke pada maemaneu,
Inau tu talua nigua na ghanaghana mava tana bosana.
6 Inau tu pitu ngangata Lord,
vulera tana vatogha na marana na dani.
7 Israel, ko pitudila Lord,
itatana gaia na dolo te mua mautu,
mana vola tatavahale haliu.
8 Gaia heghena ke va tatavahalea Israel,
tana lei paluna soko.