33
1 Lubatira na maemane
kara linge nia na rivurivu vania Lord,
me manana ge ka holohabaa.
2 Kau holohaba Lord nia hulu ni gita
mo ko ghalevu vania nia hangavulu na ghalo ni ukalele.
3 Kau holohaba nia na linge vaolu
Kau tigili utoi na ukalele nia na linge te manilu.
4 Na bosaana Lord te vonughia na utuni
mana lei totobo soko te gonighi ke na pukuna ighita.
5 E dolovia na hava maemane me uto
me vonughia na maramana nia nina dolo
6 Ma Lord te bosa lee vamua,
me puputu dato mai kokou,
me aheahea na bosa me sivuragha mai na veitughu.
7 E Kobe voka na tahi
me talua na vovokana me vongotia na horara oka nia na horuna.
8 Na lei totobo soko tana maramana kara nia kikinima Lord, ma rahei soko ghua kara tughuru kolua gaia.
9 E puputu na maramana tana bona kokoe E puputua nia nina arevaghi.
10 Ma Lord te taho laghinighi didira na ghanaghana dila na lei kema; me talu olighi didira na halautu ni tughuni vaghi.
11 Ma nina ghanaghana Lord te kabu ngasi talau
mana hava te ghanaghana ke mua aleale.
12 Na hava na togo ia ke loghoa na lei kema nia God ke didira na Lord,
na vure vilira te loghora.
13 Ma Lord te rei horu mai kokou
me righira mai na lei taba ni vure soko.
14 Mi tana malei kabuna te righi horura mai ara hei tana maramana.
15 E gonighi na tobadia, ge ghilalara na hava tara gonia.
16 Na puku ni mane vei totoghoni
te loghoa na takona mana tinabena
ke mua volaa na vunaghi haba,
me ke mua kuvi takona hea na malaghaina.
17 Ko bei ghanaghana gea nimua na horse ni vei totoghoni
ke vahegho na laga vule ma nia na lagana soko,
Ke mua tangomana ge ke volagho
18 Ma Lord te ghilalara ara hei tara nia kikinima
maia ara hei tara ghanaghana kodo ta nina dolo.
19 E lavi olira mai tana mate!
Me righitaonira tana bona ni vitolo
20 tatana Lord vamua tai ghanaghana kodo ge ke vola ghai gaia heghena vamua ke hangaghai me ke kuvi takomami.
21 Itatana gaia na tobamami te rivurivu mai talumava na ahana te tabu.
22 Lord God/YHWH, ighita ta varavai nimua lei baubahu,
keri ke lubatia nimua na dolo te talighutighita haia.