34
1 Inau ku holohabaa haia Lord:
mu ku bosa haia na holoutoana.
2 Mi nau ku kokoe tate vania Lord:
ma rahei tara mua uto kara loghoa na toba te uto.
3 Mai ma ka talu tatea nina rongoragha Lord.
Ma ka taludato koukolua na ahana.
4 Inau tu kokoeliulivuti me rongoviu Lord
me lavi horuu ta nigua na mataghu.
5 Ra hei tara kenea ge ke hangara kara togotogo
ma kara mua loghoa na maa tana matadira.
6 Mi nau tu ngangaraha vania Lord
ta nigua na vahaghitaili me rongoviu,
me lubati tatavahaleu ta nigua na mataghu.
7 Ma nina tarunga vetena Lord
te righitaonira arahei tara nia kikinima, ge righitaonira.
8 Taboa, mo ko righia a Lord te uto sughua
ra rivurivu ara hei tara varava tatana.
9 Lubatira nina tinoni Lord
kara tatea didira na ghanaghana mava
ma rahei tara holohaba,
kara loghoa na hava ke liodira
10 Sughua na dalei liona tara laga tara vitolo
ma rahei tara varava ngasi tatana
kara mua kenea na hava ke uto vanira.
11 Kau mai ghau dalegu ma kau rongoviu
mu ku taraighau ma kau nia kikinima Lord.
12 Siki sakai tamiu te liona
ge ke uto me ke daro na volana?
13 Ko righi taonia na lapimu
mo ko righi taonia ghidumu ge ke bei bosaa na kiko.
14
15
16
17
18
19
20
21
22 Na maghutu te vavola nina tinoni ni lutu:
Mara hei tara taluutunia kara mua sivi.