4
1 Ko bosa tughu vaniu mai tana bona inau ku hoholo,
na pukuna God te bosa tateu inau tu tatavahale.
Ko lavi kehai a nigua na hahi: mo ko aroviu;
mo ko arovighi a nigua na kokoeliulivuti.
2 Ivei vaho ke vagha na darona:
ighau na vure kau dikalai na lei nigua a uto?
Mi vei vaho ke vagha na darona kau gonighi na lei hurutabo taho puku ni?
Mi vei vaho ke vagha na darona kau nia sorisori, ge kau goni dila na mate?
3 Ma kau ghilala utoa eni;
A Lord te talu keha na uto vania gaia heghena.
Ma Lord ke tangomana na bosa tughu tana bona ku holoa.
4 Ko bei lubatia na rutu ge ke hulia na volamu:
ke lavi haghegho gea tana tangotangodika.
Ko ghanaghana vaovarongo tana bongi udolu:
mo ko kabu todore.
5 Ko gonia na puku ni sukaghi;
mo ko varava ngasi itatana Lord.
6 Subo na vure tara bosa mara ghaghua,
“Ahei vaho ke tatei vanighita na lei bona ni aho ke uto?”
Lubatia na kia mangihi ni mangamu ke marara i vuvungamami ghe Lord.
7 Ighau tau vaheu na togotogo te sule,
vulera arahei tara loghoa na hali ni vagha te subo tana vavanga ni vaini.
8 Mi nau ku koli horu tana mabo, mu ku maturu.
Mi ghoe heghemu a Lord, ko righitaoni tatavahaleu.