5
1 Aghe Lord, Ko rongoviu tana bona inau ku kokoeliulivuti;
ko kabu avehiu ta nigua na tangi.
2 Ko varongohia a nigua na tangi ni hahanga,
aghe nigua na vunaghi ma nimua na God.
Na pukuna ku mua ghoi tangomana ghua na kokoeliulivuti
vaniana siki sakai na keha, mi ghoe heghemu vamua God.
3 Ko varongohia na talama ni mangagu tana roropo, ghe Lord.
Tughu roropo, inau ku lavighi vanigho mai a nigua na nongi;
mu ku avehi utoi na lei bosa tughu.
4 Aghe God, ighoe to mua lavia na togotogo itadira
rana tangohahi mo ko mua nira ghaghua
ara hei tara gonia na hahi.
5 Na pukuna keri, gaira tara talunagho kara mua lubatira
ge kara tughuru tana bonamu te tabu,
na pukuna ighoe to nira sika ara hei tara gonia na hahi.
6 Ighoe ko durakera ara hei tara bosa sorisori:
ma Lord te mua liodira tara labupolo mara gueguelo.
7 Na pukuna a nimua na dolo ke mua ghoi tughu,
ge inau ku tangomana na haghe tana valemu!
Nia na douna?? nigua na ghanaghana mava,
inau ku holohabagho nia tana valemu te tabu.
8 Ko huliu tana halautu te maemane ghe Lord,
ge na ghaghua na levunimate kara bei laga vuleu.
Ko bosa lada utoa na hava ku gonia;
mo ko tuhua vaniu vaniu na halautu ku ririu va iga.
9 Na ghagua na levunimate kara mua ghoi bosa tua asakai na bosa ke utuni.
Na douna didira na ghanaghana ke, kara hurakera vamua na balu.
Didira na kokoe te vagha na bule,
te vagha na uru ni tinoni mate te va horu mai tana tavughi te tatavanga.
Didira na bosabosa te vonughia na talunagho.
10 Ghe God, ko bosa tate lagara agaira tara hahi.
Lubatira ge kara hogo haghe ta didira na vugho.
Ko ghuru ke hara, na pukuna te subo na paludira,
maia tara hughuhughu kolugho.
11 Ko lubatira agaira tara ungaunga
itamua kara lavia na togotogo;
lubatira ge kara linge rivurivu nia na holohaba ke va me vaa.
Ko pilu pungisira, ge agaira tara datovia na ahamu,
ko vonughira nia na togotogo.
12 Na pukuna ighoe to vautora na uto ge Lord,
mo pilupilura nia a nimua na tako ni dolo.