93
A Lord na vunaghi haba,
gaia tara pupulua nia na malei haba mana laga.
Gaia te kabulaghi ngasilia na maramana tana malana
me ke mua ghoi gharadu tua.
Lord, nimua na malei sopou te kabu ngasi mai tua,
mi ghoe to puputu tua ge vuivuni na maramana.
Lord, na lei tahi oka tara tagumu mai,
gaira tara tagumu mara karaha longa.
A Lord te haba vule i kokou,
te sule vulea na tagumu ni tahi oka,
me laga vulea na karaha ni tahi.
A Lord, nimua na lei vetena tara kabu kasila,
ma nimua valetabu te tabu utuni tua, ke va me vaa.