101
Ezabbuli ya Dawudi eyʼohweŋaayo.
1 Nja huhwembera ebiŋamba hu hwenda nʼohutehubbira huhwo,
Musengwa, nja hwemba ni kujumirya.
2 Nja hwegenderesa ohuba nʼobulamu obuŋumaho mbalo.
Oliija ŋaali eyi ndi?
Nja huba nʼobulamu obugwalaafu mu mago gange.
3 Nja hugaana ehiitu ehyʼembiho ohuba mu moni jange.
Caawa ebikolwa byʼabo abahola ebitasaana
era sinja huhola muhumba ni nabo.
4 Abaatu abʼemyoyo emibi baja humba ŋaleeŋi,
sinja hulirihana hibi.
5 Nja huŋoleresa hiisi aloma ebyakalebule hu wahye.
Sinja hugumikiriza oyo owʼemoni embi nʼabepaahapaaha.
6 Emoni jange jija huba hu abo abesigwa hu hyalo ko bahaba ni nange,
oyo aŋumaaho mbalo aja hupeeresanga.
7 Eŋuma aloma ebitali bituufu aja huba mu nyumba yange
era eŋuma mudulingi aja humenya ni nange.
8 Hiisi ludaalo nja huŋoleresanga abahosi bʼebibi hu hyalo,
nja husalaho abahosi bʼebibi mu hibuga hya Musengwa.