11
Yʼomutangirisi wʼabembi. Ezabbuli ya Dawudi.
1 Obanga mu Musengwa pomu neŋogoma,
hiija hiitye ohundoma muuti,
“Weguluhire hyʼenyuni otiine hu sozi?”
2 Hiri hiityo olwohuba abahosi bʼebibi balasa obusaale,
beteegire ohulasa abagwalaafu obusaale.
3 Hiina ehi omuutu omugwalaafu asobola ohuhola
ebiitu binaba ni byonoonohire?
4 Musengwa ali mu Yekaalu yiye enjawufu,
Musengwa gehaaye hu tebe yiye eyʼobuŋugi mwigulu.
Amanyire byosibyosi ebi baatu bahola,
emoni jije jibetololamo.
5 Musengwa ahebera abahola ebiruŋamu,
aye acaawa abo abahosi bʼebibi nʼabenda ohukosa abahyawe.
6 Musengwa aja hujofumula omuliro nʼobuganga wa salufa,
nʼembeŋo eyohya bugali hu bahosi bʼebibi basihiirihe.
7 Hiri hiityo olwohuba Musengwa mwawufu,
olwʼehyo genda ebikolwa ebiraŋi.
Era hiisi ahola ebiraŋi aja humubona moni hu moni.