120
Olwembo nʼotiina e Yerusaalemu.
1 Nʼalanga Musengwa ni ndi mu bugosi
era gangobolamo.
2 O Musengwa, nunule wuutuse mu badulingi
nʼabaloma ebyakalebule.
3 Hatonda ali bahola hiina,
enywe abadulingi?
4 Ali bagudya nʼobusaale owoogi,
era bahoohye nʼamanda agekeeka omuliro.
5 Jinjageene ohuba ni menya e Meseki
oba nʼabaatu be Kedali!
6 Pirire ehiseera hireeŋi,
ni menya nʼabaatu abacaawa emiyaaya.
7 Ese ndi muutu owenda emiyaaya,
aye ni ndoma hu miyaaya, nibo benda husoola.