121
Olwembo nʼotiina e Yerusaalemu.
1 Ngangamusa emoni jange, narengerera hu sozi,
obuyeedi wange buŋwa ŋeena?
2 Obuyeedi wange buŋwa eyiri Musengwa,
owatonda egulu nʼehyalo.
3 Musengwa saaja huhuleeha hutyerera,
oyo ahuhuuma, saaja huŋongera.
4 Mu butuufu oyo ahuuma Yisirayiri,
saaja huŋongera oba huŋenyuha.
5 Musengwa ahuhuuma,
ali huupi ni neewe hu nduuhu ohuhuuma.
6 Eryuba sirija huhwohya mu muusi
wayire omwesi ohuhukosa mu wiire.
7 Musengwa aja huhuhuuma mu bugosi wosiwosi
era aja hulabiriranga obulamu wuwo.
8 Musengwa aja huhulabiriranga mu matiina nʼamagobolere
ohuŋwa ŋaahani ohwola emirembe nʼemirembe.