123
Olwembo nʼotiina e Yerusaalemu.
1 Ngangamusa emoni jange eyi oli,
eyi oli mwigulu hu tebe eyʼobuŋugi.
2 Hyʼabeedu ngʼolu balengerera ehiŋwa mu ngalo ja musengwa yaawe
era ngʼolu abaŋeeresa abahasi balengerera ehiŋwa
mu muhono gwʼomuhasi oyu baŋeeresa,
hwesi huutyo huhuumirira ehiŋwa ewa Musengwa Hatonda weefe ohwola olu atuŋambira ehisa.
3 O Musengwa, tuŋambire ehisa, tuŋambire ehisa
olwohuba batunyooma bugali.
4 Hugumiiye ebiduho bingi ohuŋwa eyiri abepaahapaaha
era abehudumbasa batunyooma bugali.