128
Olwembo nʼotiina e Yerusaalemu.
1 Besiimire abo bosibosi abatya Musengwa
abo abagendera mu magira gage.
2 Oja hulya hu bibala byʼamaani gago,
ebiraŋi nʼekabi binabenga bibyo.
3 Omuhasi wuwo mu mago aja huba hyʼomuzabbibbu ogwama ebibala ebingi.
Abaana babo baja hweswanigirisanga ehiiŋulo.
4 Omuutu atya Musengwa,
mu butuufu atyo polu bamuŋa ekabi.
5 Musengwa ahuŋe ekabi ohuŋwa mu Sayuuni,
endaalo josijosi ejʼobulamu wuwo,
obone Yerusaalemu nʼehulaahulana.
6 Era owangaale obone
hu bejuhulu babejuhulu babo.
Emiyaaya jibe hu Yisirayiri.