129
Olwembo nʼotiina e Yerusaalemu.
1 Leha hiisi Muyisirayiri alome ati,
“Abalabe bakiyaanisye ohuŋwa mu buŋere.”
2 Ohuŋwa mu buŋere wange
abalabe bakiyaanisye aye sibapangulanga.
3 Bafuuhisye omugongo gwange ohuba hyʼehisambu
bagwijuhiise mabbwa mereere.
4 Aye Musengwa ahola ebiruŋamu
gatuhiise mu migoye jʼabahosi bʼebibi.
5 Ale bosibosi abacaawa Sayuuni baŋangulwe
era bagameyo egongo ni baswaye.
6 Leha babe hyʼenyaasi erimera ŋamugulu hu nyumba
era eryoma ni lihiiri huhula,
7 ohuula enyaasi eryo, saliŋesamo hinywa,
ni nooyo olihumbaania saliŋesamo muganda bbe.
8 Era eŋume abitaŋo gabaloma ati, “Musengwa ahuŋe ekabi
era hwesi hubendesa ekabi mu siina lya Musengwa.”