131
Olwembo nʼotiina e Yerusaalemu. Olwembo lwa Dawudi.
1 O Musengwa, sinehudumbasa mu mwoyo gwange
era puma keja embi sineyingisa mu songa ejitapambaho
oba ebiitu ebitasobola.
2 Aye nesomesa ohuba mubombeefu mu bulamu wange
hyʼomwana owaŋwa hu hwoka
hyʼomwana owaŋwa hu mabeere ga nyina
nʼobulamu wange pobuli buutyo.
3 Yisirayiri, wesige Musengwa
ohuŋwa ŋahani ohwola emirembe nʼemirembe.