15
Ezabbuli ya Dawudi.
1 O Musengwa, njʼani anaabenga mu Weema yiyo Enjawufu?
Njʼani aja humenya hu lusozi lulwo olwawufu?
2 Njʼoyo agondera Hatonda era ahola ebiraŋi habuhyabuhya,
oyo aloma amazima nʼomwoyo gugwe gwosigwosi.
3 Era ataŋayirisa wahye, atahola bahye hibi,
era saaloma byakalebule hu bahye.
4 Njʼoyo anyooma abaatu aba Hatonda acaawa
aye aŋa eŋono abo abatya Musengwa,
era njʼoyo owoheresa ehi gayama wayire hiba higumu hiitye.
5 Njʼoyo aŋola ndʼateho magoba
era njʼoyo atalya nguzi nʼasala emisango.
Oyo ahola ebyo byosibyosi, ŋaŋuma ehirimwolaho emirembe nʼemirembe.