150
1 Mujumirye Musengwa.
Mujumirye Hatonda mu hifo hihye ehyawufu,
mumujumirye mwigulu lirye eryʼamaani.
2 Mumujumirye olwʼebi ahola ebyʼamaani,
mumujumirye olwʼobubbala wuwe obu otasobola hwegeragaraniaho.
3 Mumujumirye nʼejanjaasi eryʼehifuga ehyʼewaaya ehumi,
mumujumirye nʼogutongooli nʼahatongooli.
4 Mumujumirye nʼetambulini nʼohuhina,
mumujumirye nʼedingidi nʼemirere.
5 Mumujumirye nʼebifuga obugali,
mumujumirye nʼebitaasa ebisagala.
6 Ebiitu ebiramu byosibyosi bijumirye Musengwa.
Mujumirye Musengwa.