93
1 Musengwa aŋuga era gambaaye amaani nʼeŋono.
Waŋamba ehyalo wahita aŋa hiri era sihyenyeenya.
2 Etebe yiyo eyʼobuŋugi yaaliŋo ohuŋwa hale nahale,
ya mirembe nʼemirembe.
3 O Musengwa, enyanja yefuhuuye,
enyanja yefuhuula nʼejanjaasi eryʼamaani,
enyanja yefuhuula nʼamayengo.
4 Musengwa ali ŋamugulu wʼamaani
ohusinga ohuŋuuma hwʼenyanja,
nʼohuhira amayengo gaayo ago enaba nʼetabuhire.
5 O Musengwa, ebiragiro bibyo sibiŋwaŋo,
enyumba yiyo njawufu emirembe nʼemirembe.