95
1 Muuje hwembere Musengwa nʼesangaalo,
leha huhayaanire ŋamugulu ni hwembera Hatonda olwanda atunoŋola.
2 Leha hutiine mu moni jije nʼohweyaasa,
humwembere nʼesangaalo ni humujumirya.
3 Musengwa nje Hatonda owʼamaani,
habaha owʼamaani ahira abahatonda bosibosi.
4 Ehyalo hyosihyosi hiri mu mihono jije,
nʼowegingihiriri wʼesozi woosi wuwe.
5 Enyanja jije olwohuba njʼowajitonda,
era emihono jije nje jahola eroba.
6 Muuje huhubbe amafuha ni humujumirya,
leha huhome ekumbo mu moni ja Musengwa owatutonda,
7 olwohuba nje Hatonda weefe
era efe huli baatu babe,
etaama jije eji alabirira.
Olwaleero ni muŋulira ejanjaasi lirye,
8 mutahahanyasa myoyo jenywe hyʼabasehulu benywe olu baahola e Meribba,
ngʼolu bahola hu ludaalo olu baali e Maasa mu lulafu
9 eyi basehulu benywe baakema
wayire baabona ebinahola.
10 Cʼehyagira naluŋira abaatu abo emyaha amahumi ane
era nʼaloma ti, “Emyoyo jaawe jiŋaba era sibaŋamba biragiro byange.
11 Cʼehyagira naluŋa nalayira ti, ‘Sibalyola mu hifo omu naali
nʼohubaŋeramo ehiŋuumulo hyange.’ ”