99
1 Musengwa aŋuga, leha amawanga gateeteme.
Gehala ŋagati wʼabakerubbi hu tebe yiye eyʼobuŋugi,
leha ehyalo hitengete.
2 Musengwa wʼamaani mu Sayuuni,
ali ŋamugulu wʼamawanga gosigosi.
3 Leha bamujumirye olwʼamaani nʼetiisa yiye
era mwawufu.
4 Habaha ali nʼobuŋangi, genda ohutehubbira,
wataŋo ohusala emisango nʼotehubbira mu bejuhulu ba Yakobbo,
wahola ebituufu nʼotehubbira.
5 Mugulumize Musengwa Hatonda weefe,
muhubbe amafuha mu moni jʼetebe yiye niye mwawufu.
6 Musa ni Alooni baali balala hu basengi ba Hatonda,
Samwiri gaali mulala hu balanganga esiina lirye.
Balanganga Musengwa era gabagobolamo.
7 Galoma ni nabo nʼali mu hireri,
baŋamba amagambi nʼebiragiro ebi gabaŋa.
8 O Musengwa Hatonda weefe, wabagobolamo,
walaga oti ndiiwe Hatonda asoniŋa,
eyiri Yisirayiri, waali Hatonda asoniŋa,
wayire wabaŋamo endabusi olwʼobujeemu waawe.
9 Mugulumise Musengwa Hatonda weefe,
era mumujumirihisye hu lusozi lulwe olwawufu,
olwohuba Musengwa Hatonda weefe mwawufu.