6
ላፑን ድያቆናቱንꬅ ዶርንቶ
1 የ ዎደ ካልዙንꬅ ፋይድታ ጋንግ ጋንግ Ꮉንጎደራ፥ ግርኬ ዶና ኦህንትዘ አይሁዱንꬅ ይሁዳ ግዳ የልንት የዘ አይሁዱንꬃላ ዙዝንግዳ። አኮስ ጋይኮ፥ ግርኬ ዶናራ ኦህንትዘ አይሁዱንꬅ፥ «አዋራስ እንግንትዘ ካꬅተ ኑ አዝኒ ባይዘ ማቹንꬅ ቆህንትዳ» ያጋይዳ።
2 ታጶ ላምእ ሐዋሩንꬅ ዎሳ ኬꬃ አስ ኡባ ጼጊ፥ «ኑ ጾዘ ቃላ ኦህዛኖ አሺ ካꬃ ሙዛና ኑስ ቤዞስ።
3 ይኬ፥ እሹንꬆ፥ ሎኦ ኦቻራ፥ ጌሽ አያናራን ጭንጫትꬃራ ኩምደ ላፑን አሱንꬃና ይን ግዳፓ ዶሮተ፤ ኑኒ ኡንታና Ꮉና ኦችትስ ሹሞዳ።
4 የዝን ኑኒ፥ ኡባ ዎደ ጾዝ ዎሳራን ቃላ ታማርሰራ ምንጎዳ» ያጋይዳ።
5 ሐዋሩንꬅ ኦህደ ኦህታ አሱንꬃና ኡባ ኡፋይስዳ። ይኒ ግሾ፥ አማኖን ጌሽ አያና ኩምደ እስጢፋኖሳ፥ ፍልጶሳ፥ ጵሮኮሮሳ፥ ንቃሮና፥ ጽሞና፥ ጳርሜናን አይሁደ አማኖ ገሊ ማቅደ አንጾክያ ንቆላዎሳ ዶርዳ።
6 ኡንታና ሐዋሩንꬅ ቲኖ ኤስን፥ ሐዋሩንꬅ ኡንታላ ኩሸ ጋዲ ጾዝ ዎስዳ።
7 ጾዘ ቃላ ዳልግተር Ꮉንግዳ። የሩሳላመ የዘ አማንዙንꬅ ፋይድታ ሎይꬂ ጋንግተር Ꮉንግዳ፤ ጋማ ካህኑንꬅን አማንዳ።
እስጢፋኖሳ አይክንተ
8 እስጢፋኖሳ አꬎ ኬሃትꬃራን ዎልቃራ ኩሚ አሱንꬅ ግዳ ጋማ ቆፍዘ ባዝን ክለ ባዝ ኦቻነ።
9 አሮትꬃፓ ከዝደ አይሁደ ዎሳ ኬꬃ አሱንꬅ ቀሬናፓን እስክንድርያፓ ክልቅያፓን እስያፓን ይእደ ፈቲ ፈቲ አሱንꬅ ደንዲ እስጢፋኖሳራ ላልዳ።
10 የዝን እስጢፋኖሳ ኦህተ የዘ ጭንጫትꬅቶን አያንዛ ኡን እጾደስ ዳንዳእካያ።
11 ይና ዎድተ ኡን፥ «ሙሴን ጾዝን ኤ ጫሻደራ ስእዳ» ጋዘ ዎርዶ አሱንꬃና ደንꬅዳ።
12 ይኒ ጋር ዪዚ አሱንꬃና፥ ጭሙንꬃናን ህገ አስታማሩንꬃና ኤላ አፋ ደንꬅꬅዳ። እስጢፋኖሳ አይኪ ሻንጎ ቲኖ ካንግዳ።
13 ኤላ አፋ ፋይድደ ዎርዶ ማርኩንꬅ፥ «Ꮉይ አꬄ Ꮉና ጌሽ ኬꬅቶን ሙሴ ህግቶን ማህ ማህ ጫዣነ።
14 ኤ፥ ‹Ꮉይ ናዝረተ የሱሳ፥ Ꮉና ጾዘ ኬꬅቶ ላሎዳ፤ ማህ ሙሴ ኑስ እንግደ ህግቶ ላሞዳ› ያጋዘ ዎርዶ ማርካ ኤስዳ» ያጋይዳ።
15 ሻንጎ ሺቅተ በትደ አሱንꬅ ኡባና እስጢፋኖሳ ሎይꬂ በእዘ ዎደ ኤ ስንታ ኪታንቾ ስኖ ማቂ በንትዳ።