10
ኤቃስ ጎይንፐተ
1 ታ እሹንꬆ፥ ታኒ ይን Ꮉኖ ቲሮደ ፋና ኮያነ። ኑ አዱንꬅ ኡቡንꬅ ꬎነፓ ዬካራ የꬍዳ፤ ኡቡንꬅ አባ ፊንግዳ።
2 ኡን ሙሴራ ዎላ ማቃደስ ꬎነ ግዳን አባ ግዳ ጻማቅንትዳ።
3 ኡን ኡቡንꬅ ፈቲ አያና ካꬃ ሙእዳ።
4 ማህ ኡቡንꬅ ፈቲ አያና ኡሽ ኡዥዳ። ኡን ኡዥደን ኡንታና ካልተር የዘ የ አያና ላልዘፓ ኬዛያ፤ የ ላልዘን ክርስቶሳ።
5 የዝን ጾዚ ኡንታፓ ጋምተ ኡፋይትካይዘ ግሾ ኡን አህታ አኮ ባይዘ ሳአ ዎꬊ አትዳ።
6 ኡን ኢታ ባዝ አሙꬍዳን ጋር፥ ኑንን ኢታ ባዝ አሙꬋአመ ጋር ይና ኡባና ኑስ አዝዘ ማቅዳ።
7 ጌሽ ማጻፍተ፥ «አሱንꬅ ሞኦደስን ኡሻደስን በትዳ፤ ማህ የጾደስ ደንድዳ» ጋእንትዳን ጋር ኡንታፓ ፈተ ፈተ ኤቃ ጎይንዳን ጋር ይን ኤቃ ጎይንፐተ።
8 ኡንታፓ ፈተ ፈተ ኦላልዳን ጋር ኑ ኦላሎደስ ቤዞስ። ይኒ ግሾ ኡንታፓ ፈቲ ዎደ ላምእታም Ꮉይꬕ ሙኩል አስ Ꮉይቂዳ።
9 ኡንታፓ ፈተ ፈተ ላꬃ ፋታን ሾሻራ ꬋእንት Ꮉይቂዳን ጋር ኑ ላꬃ ፋታኖደስ ቤዞስ።
10 ኡንታፓ ፈተ ፈተ ዙዝንጊ Ꮉይቆ ክእዘ ኪታንቾራ ꬋብዳን ጋራ ይንትን ዙዝንግፐተ።
11 Ꮉና ኡንታላ አፋ የልዳና ሙሎ ኑ ናግንቶደ ጋር ኑስ አዝዘ ማቅዳ። ማህ ዎደ ዉርሱꬃላ አፋ የዘ ኑስ ትምርተ ማቃደ ጋር Ꮉና ኡባ ጻፍንትዳ።
12 ይኒ ግሾ፥ ታ ኤቅዳ ጋዘ ኦደን ጎልአመ ጋር ፋና ናጎ።
13 አስ ኡባ የልዘ ፋታና ፋትን ዱማ ፋታና ይንታና የልካያ። ይን ዎልቅታ ዳንዳእዛንፓ አꬍዘ ፋታና ይን ፋታንንታመ ጋር አꬂ እንጎሰ ጾዘ አማንንትዳያ። ይንታና ፋታና የልዘ ዎደ ይና ፋታንቶ ኤ ይንታና ዳንዳእሳዳ። ማህ ይና ፋታንትፓ ይን ኬሳደ ኦግቶ ኤ ጊግሳዳ።
14 ይኬ፥ ታ አልኦ እሹንꬆ፥ ኤቃ ጎይንዛንፓ Ꮉኮተ።
15 ይን ዎዝናማ አስ ማቅደ ግሾ ታ Ꮉኖ ኦህነ። ታኒ ጋዛና ቱሮ ማቅዳኖ ይን ይን ኦምተ ፍርዶተ።
16 ኑኒ ጾዝ ጋላቲ ግሽንትዘ አንጆ ጹእታ ክርስቶሳ ሱꬃራ ፈተትꬅ የዛኖ ባነ? ማህ ኑኒ ባጽዘ ዳብዘ ክርስቶሳ አሽትራ ፈተትꬅ የዛኖ ባነ?
17 ኑኒ ጋማ ማቅኮን ዳብዘ ፈቶ፥ ኑ የ ፈቲ ዳቦ ግሽንትዘ ግሾ ፈቲ አሾ።
18 አነ እስራኤለ አሱንꬅ ኦችዳኖ ቆፖተ። ዣርሽንትደ ዣርሽታ ሙዙንꬅስ ዣርሾ በሳራ ፈተትꬅ ባነ?
19 ታኒ አኮ ጋኦደስ ኮይ ጋኤ? ኤቃስ ዣርሽንትደ ካꬅታ ዎይ ኤቃ ማድዘ ባዝ ባያ።
20 ኡን ዣርሽዛና ጾዝስ ማቅካይዝን ቱና አያናስ። ይኒ ግሾ፥ ይንትስ ቱና አያናራ ፈተትꬅ የሳደ ጋር ታ ኮዮስ።
21 ይን ላꬄ ጹእትፓ ኡዥተራ፥ ማህ ቱና አያና ጹእትፓ ኡሻደስ ዳንዳኦስ። ላꬄ ሌማትፓ ሙእተራ ማህ ቱና አያና ሌማትፓ ሞኦደስ ዳንዳኦስ።
22 ኑ ይኖ ዪዚ ላꬃ ዥልሳነ? ኑ ኤፓ አꬍዘ ሚንꬆነ?
23 ይን፥ «ኡባ ባዝ ኦቻመ ጋር ካይዘባዝ ባያ» ጋነ፥ የዝኮን ኡባና ማዶስ። ይን፥ «ኡባ ባዝ ኦቻመ ጋር ካይዘባዝ ባያ» ጋነ፥ የዝን ኡባና ጻልዞስ።
24 ፈቲ ፈቲ አስ፥ መለ አስ ማድዘ ባዝ ቆፖደስ ቤዛነ ፋትን ፋና ማድዘ ባዝ ጻላላ ቆፕፐ።
25 ይን ዎዝንተ መꬍንትዘ ሶእቶ Ꮉሲ ጋበ ባይዝንትዘ አሾ ጨር ሞኦተ።
26 አኮስ ጋይኮ፥ «ሳአን ሳአላ የዘ ኡባ ላꬅስ።»
27 ፈቲ አማኖሰ አስ ይንታና ሞኮደስ ኮይ ጼግኮ Ꮉማደስ ኮይኮ Ꮉንጎተ። ይን ዎዝንተ ሶእካይዛራ ይን ቲኖ አꬅዳኖ ኡባ ሞኦተ።
28 የዝን ፈቲ አስ፥ «Ꮉና ኤቃስ ዣርሽንትደባዝ» ጋይኮ፥ የ ይንትስ ኦህደ አꬄ ግሾን ይን ዎዝንት ግሾ ይና ካꬅቶ ሙእፐተ።
29 ታኒ፥ ዎዝና ግሾ ጋዛና ይኖ ይንትስ ኦህደ አꬄ ዎዝንት ግሾ ፋትን ይን ዎዝንት ግሾ ባያ።
መለ አስ ዎዝና ግሾ ጋእ ታኒ ታ ዋሎትꬃላ አኮስ ፍርዶደ?
30 ታኒ ሙእዘ ካꬅትስ ጾዝ ጋላቲ ሙእኮ አኮስ Ꮉልደ ፋና ጾዝ ጋላትዘ ባዛ ኦጭንተ?
31 ይኬ፥ ይን አኮ ሙእዛኮ አኮ ኡዥዛኮን፥ ዎይ አኮ ኦችዛኮ ኡባኖ ጾዘ ቦንቾስ ኦቾተ።
32 አይሁዱንꬃና ማቅን ግርኩንꬃናን ማቅን ዎይ ጾዘ ዎሳ ኬꬅተ ማቅን ኦደስን ꬉበ ማቅፈተ።
33 ታኒ ኡባ ዎደ ጋሙንꬅ አቶደ ፋና ኡን ማድንቶደ ኦገ ኮያነ ፋትን ታና ማዶደ ኦገ ኮዮስ።