11
1 ታኒ ክርስቶሳ አዚ ካልዛንፋና፥ ይንትን ታና ካሎተ።
ጎይኖ ዎጋ
2 ይን ኡባ ባዛ ታና ቆፕዘ ግሾን ታ ታማርስደ ትምርትቶ ምንꬂ አይክደ ግሾ ታ ይንታና ጋላታነ።
3 የዝን ክርስቶሳ ꬊራꬅ ኡባስ ኦማ፥ ꬊራꬅ ማችስ ኦማ፥ ማህ ጾዚ ክርስቶሳስ ኦማ ማቅዳኖ ይን ኤሮደ ፋና ታ ኮያነ።
4 ፋ ኦምቶ ጉሉንቲ ጾዝ ዎስዘ ዎይ ትንቢተ ኦህዘ ꬊራꬅ ኡባ ኦማ ማቅደ ክርስቶሳ ቶቻነ።
5 ፋ ኦምቶ ጉሉንትካይዛራ ጾዝ ዎስዘ ዎይ ትንቢተ ኦህዘ ማችታ ኦማ ማቅደ ፋ አዝንዛ ቶቻነ። ፋ ኦምቶ ጉሉንትካይዘ ማችታ ፋ ኦምቶ ሜድንትደ ማችት ፋና።
6 ማቻ ፋ ኦምቶ ጉሉንታንጽኮ፥ ፋ ኦምቶ ጩቅንቶ። የዝን ኢስ ኦምቶ ጩቂዛና ዎይ ሜድዛና ቦርስኮ ፋ ኦምቶ ጉልንቶ።
7 ꬊራꬅ ጾዝ አዚ ጾዘ ቦንቾ ማቅደ ግሾ ፋ ኦምቶ ጉልንቶደስ ቤዞስ፥ የዝን ማቻ ꬊራꬅ ቦንቾስ።
8 ማቻ ꬊራꬃፓ መꬍንትዳ ፋትን ꬊራꬅ ማችፓ መꬍንትካያ።
9 ማቻ ꬊራꬅስ መꬍንትዳ ፋትን ꬊራꬅ ማችስ መꬍንትካያ።
10 Ꮉኒ ግሾን ኪታንቹንꬅ ግሾ ማቻ ፋስ አደትꬅ ዎልቃ የዛኖ ቤዝዘ ማላ ፋ ኦምቶ ጉሉንቶደስ ቤዛነ።
11 የዝን ላꬄ ቆፋራ ማቻ ꬊራꬅ ባይዝን የዞስ፤ ꬊራꬅን ማቻ ባይዝን የዞስ።
12 ማቻ ꬊራꬃፓ መꬍንትዳን ፋና ꬊራꬅን ማችፓ የልንትዳ። የዝን ኡቡንꬅን ጾዛፓ መꬍንትዳ።
13 አነ ይን ፍርዶተ። ማቻ ፋ ኦምቶ ጉልንትካይዛራ ጾዝ ዎሶደስ ቤዛነ?
14 ꬊራꬅ ፋ ኦምቶ ድችኮ ኤስ ቦርሶ ማቅዳኖ መለ አቶ የዝን መትꬅ ይንታና ታማርሶሶ?
15 የዝን ማቻ ፋ ኦምቶ ድችኮ ኢስ ቦንቾ ባነ? ማችስ ኦማ እንግንትዳና እዛ ፋና ካሞደ ፋና።
16 ይኒ ግሾ Ꮉንላ ላሎደስ ኮይዘ አስ የዝኮ፥ ኑስ ማቅን ዎይ ጾዘ ዎሳ ኬꬅስ ማቅን Ꮉንፋ መለ ዎጋ ባያ።
ላꬄ ካዎ ኤክዘ ዎጋ
(ማቶ. 26:26-29፤ ማር. 14:22-25፤ ሉቃ. 22:14-20)
17 ይን ፈትላ ሺቅዛና ሎኦስ ማቅካይዝን ቆሄስ ማቅደ ግሾ Ꮉተ ታ እንግዘ ኪተ ይንታና ናሾስ።
18 ታ ቲኖ ስእዳንና፥ ይን ዎሳ ኬꬅተ ሺቅዘ ዎደ ይን ግዳ ሻኮ የዛኖ። ይኖ ታ ስእዳንፓ ባግታ ቱሮ ማቅዳኖ አማናነ።
19 ይን ግዳ ፋ ኦችተ ቱሪ የዙንꬅ ኦና የዛኮ ኤርንቶደ ጋር ይን ግዳ ሻኮ የሳዳና አቶስ።
20 ይን ዎላ ሺቅዘ ዎደ ይን ሺቅዛና ላꬄ ካዎ ማደስ ባያ።
21 ይን ካꬃ ሙእዘ ዎደ ፈተ ፈታ ናግካይዛራ ፋስቶ ፋስቶ ሙእዘ ግሾ ፈታ ናያነ Ꮉንካይ ማህ ማꬅንታነ።
22 ቱሮ ይን ሞኦደስን ኡሻደስ ይንትስ ኬꬅ ባነ? ዎይ ጾዘ ዎሳ ኬꬅቶ ለቃነ? ዳሁንꬃና ዬልዛነ? ታ ይንታና ዋጎ? Ꮉንስ ታ ይንታና ናሾ? ሙሎን ናሾስ።
23 ታኒ ይንትስ እንግደ ትምርትቶ ላꬃፓ ኤክዳ። ላꬄ የሱሳ አꬊ እንግንትዘ ቃምተ ቦራ ኤኪ፥
24 ጾዝ ጋላትዳ። ቦርቶ ባጽ «Ꮉተ፤ ሞኦተ። Ꮉና ይንትስ እንግንትደ ታ አሽቶ። Ꮉኖ ሙእተራ ታና ቆፖተ» ያጋይዳ።
25 ይኒ ጋራ፥ ካዎ ሙእ ማቅን፥ ኡሽ ኤኪ፥ «Ꮉና ኡሽታ ታ ሱꬅተ ኤቅደ ክለ ጫቆ። ይን ኢፓ ኡዥደ ዎደ ኡባ ታና ቆፖተ» ያጋይዳ።
26 ይን Ꮉይ ቦርዛ ሙእዘ ዎደን Ꮉና ኡሽቶ ኡዥዘ ዎደፓ ደንꬅ ላꬂ የኦደ ዎንꬅስ ኤ Ꮉይቅቶ ኦሆዳ።
27 ይኒ ግሾ፥ ቤዞሰ ኦገራ ላꬄ ቦርቶ ሙእዘ ዎይ ላꬄ ኡሽቶ ኡዥዘ ኦደን ኤ አሽቶን ሱꬅቶን ቶችደ ግሾ ፋ ናጋርተ ኦጭንታነ።
28 ይኒ ግሾ አስ ፋና ፋታኖ። የይዝ ቦርቶ ሞኦ፤ ኡሽትፓን ኡዦ።
29 ላꬄ አሽትባዝ ሻኪ ኤሮሰ፥ ቦርትፓ ሙእዘን ኡሽትፓ ኡዥዘ፥ ፋላ አፋ ፍርዳ ሙነን ኡዣነ።
30 ይኒ ግሾ፥ ይን ግዳ ፋ ጋሙንꬅ ላቢዳ፤ Ꮉርግንትዳ፤ ማህ ኡንደና አሱንꬅ Ꮉይቂዳ።
31 የዝን ኑ ኑና ፋታኒ በኤዛኮ፥ ኑላ አፋ ፍርድንታማ የሻ።
32 አላመ ፍርድንትዘ ዎደ ኑ አላምትራ ፍርድንታመ ጋር Ꮉተ ላꬂ ኑና ካጫነ።
33 ይኒ ግሾ፥ ታ እሹንꬆ፥ ላꬄ ካዎ ማደስ ይን ሺቅዘ ዎደ ዎል የልꬅ ኤኮተ።
34 ይን ሺቅታ ፍርዳስ ማቃመ ጋር ናይꬍደ ኦደን የዝኮ፥ ፋ ካራ ሞኦ።
አትደ ባዝቶ ታ እዘ Ꮉንግ ይንትስ ኦሆዳ።