114
Passova Song
1 Wen Israel pipol komot from Egypt;
wen Jakob family komot from di land where dem for bi strenja,
2 Judah kon bi God temple
and Israel kon bi en kingdom.
3 Di Red Sea si dem dey kom,
kon run and Jordan River turn en face.
4 Di mountins jump like goat
and di hills run like lamb.
5 Red sea! Na wetin make yu dey run?
Jordan River na wetin make yu turn yor face?
6 Yu mountins, wetin make Yu jump like goat?
Yu hill, why Yu run like lamb?
7 Yu, eart make yu shake with fear,
bikos of di Oga wey bi Jakob God,
8 wey turn strong groun to where wota full
kon bring wota kom out from strong rock.