13
Prayer For Help
For Di Kwayamasta: David Song
1 My God, Yu go forget mi forever?
Na how long Yu go trowey yor face from mi?
2 How long I go dey struggol with pain inside my soul and get sorrow for my heart?
Na how long my enemies go always dey opress mi?
3 My Oga God, make Yu turn kon ansa mi!
Make yu give mi strent again or I go die.
4 Make Yu nor let my enemies dey make mout sey,
“Wi don win am!”
Den dem go dey happy sey I don fall.
5 But I trust yor love wey nor dey fail.
I go happy, bikos Yu don save mi.
6 Yes! I go sing to God,
bikos E don save mi.