18
Bildat sel kat Siob vit mul kur mahien en hen Ahi ven tisaen keil onen
Siob 18:1-2,5,12-13,18,21
Evus, Bildat ten out Suah selus min Siob vit,
“Meatin keil asuvaluk asakras avato raeng.
Munak kiha netan ka kito raeng, mekilea mevaselus minuk.
 
“Meatin keil amum tisa, asuval kandel koa amuh vini,
koa ahang teni hermukantei mun.
 
12 “Mulamu, tounah one houlu, ka kosa, amai kat keil.
Mahien keil aro vesesal ven keil lises.
13 Mesaien tatisaso tai ka vasi ave,
mul sakin husi keil en he ka ale one mul maleles.
 
18 “Koakeil amum tisa, isila lat keil imea ran meneai, iha en mankoli.
Imea ran out ten moulien, iha en out ten matien.
 
21 “Koanek vi keite ten moulien onen meatin keil amumon sakien tatisa,
keite onen koakeil arkileatei Ahi.”
18:5 Siob 21:17