6
Siob vit usil usite onen min Elivas
Siob 6:1-3,24-26,30
1 Siob vit kesi min Elivas vit,
2 “Vahit avaling mahien keil onak ka sakvisien keil emun onak vaha en sikel tai,
3 keil akilea avameas valin veien vasi keil ten atas,
sakini konatimanintei keke naselus vau ekek.
24 “Tahos, kihiseinau. Kihit lati minau asa namumoni tisa.
Inau nito raeng ka nilonguk kiselus.
25 Selusien ten anatinien, keihoen mul ien,
ka selusien keil onom vi heisav enges.
26 ?Keik komundemi kovit kitalimal en selusien onak?
?Vensa kolong ras selusien onen meatin koa desien onen mot?
30 “?Komundemi kovit namul naluvos?
?Komundemi kovit nasakras malei kilea avong takeih keil?”