8
Ahi mumon tounah keil vasi ral min meteisauen
Proveb 8:22-31
22 En avong mulamu, Ahi mumonau, isok vi Meteisauen.
Kei mumonau mulamu en tounah savsav keil vasi koa mumoni.
23 En avong koa mum rohtoh en tounah keil, inau namulamu en keil.
Navong out netan tovuol veah, inau namul tuai.
24 Navong atas ka oaisal keil atovuol veah,
inau naros.
25 Ahi mumonau mulamu en vatihou keil
ka mulamu en avong kei ling kat hou keil en out kati one.
26 Mulamu en avong koa Ahi mumon out netan ka tounah keil koa amoul ien,
navong atan tovuol veah, namul tuai.
27 Inau namul en usiven Ahi navong kei ling teilang en out kati onen,
ka navong ling hakot teni mai rokol atas.
28 Inau nalesi navong kei ling mahmah en teilang,
ka sakin oaisal keil amue uva en atas.
29 Nalonge navong Ahi viten out koa atas hevus eni,
ka navong ling hakot ten atan.
30 Inau namum vesesal ven Ahi suval avat toumien onen.
Lises, kei si venau, ka inau, nasi nau mun mato vatal mini.
31 Nalonge tahos ven out netan koa kei mumoni,
ka nasi nau ven meatin keil koa aro ien.
8:22 Rev 3:14