9
Selusien ten meteisauen
Proveb 9:7-10; 13:1,4; 14:23-24; 15:1-2,18,22; 18:22; 19:1; 20:1,4; 22:6; 23:13-14
7 Munak kovit kovatalimal en vatkeih tai, kei heselus karenuk,
ka munak kosel kat meatin tisa tai, kei hepurunuk.
8 Sakini, konasak vistei kovatalimal en meatin koa vuti, veni kei hevuroh katuk veni.
Ka munak kitalimal en meatin koa vi meteisau, envatien onen hel enuk.
9 Munak kosel kat meatin koa vi meteisau, kei hehi meteisau revi mok.
Ka munak kosan hihiseien min meatin koa mal, ileilien onen hemariso tamun.
10 Houhouen min Iahova vi vatte ten meteisauen.
Munak kokilea kei koa vi votut, kokilea en tounah tai koa vi hetetamen imok.