4
عَلَتَلَ عَ سّنبّ مَسٍنقٍ مُنسَ بّ
1 مُنسَ نَشَ عَلَتَلَ مَشْرِن، «شَ عِسِرَيِلَكَيٍ مُ سَ لَ ﭑ مَ مَسٍنيِ رَ، عٍ قَ عَ قَلَ، ‹عَلَتَلَ مُ مِنِشِ عِ مَ قٍوٌ،› ﭑ مُنسٍ رَبَمَ قَ؟»
2 عَلَتَلَ نَشَ عَ مَشْرِن، «مُنسٍ نَ عِ بّلّشّ نَ كِ؟» عَ نَشَ عَ يَابِ، «ﭑ مَ يِسُشُوُرِ.»
3 عَلَتَلَ نَشَ عَ يَمَرِ، «عَ وٌلِ بْشِ.» عَ تٌ عَ وٌلِ بْشِ، نَ نَشَ مَقِندِ بْشِمَسٍ رَ، مُنسَ قَ عَ فِ عَ يَ رَ.
4 عَلَتَلَ نَشَ عَ مَسٍن عَ بّ، «عِ بّلّشّ عِتَلَ عِ شَ عَ سُشُ عَ شُلِ مَ.» مُنسَ نَشَ عَ بّلّشّ عِتَلَ. عَ تٌ عَ سُشُ عَ بّلّشّ رَ، نَ نَشَ قِندِ يِسُشُوُرِ رَ.
5 عَلَتَلَ نَشَ عَ مَسٍن عَ بّ، «نَ قِندِ مَ تْنشُمَ رَ عٍ بّ، قَ عَ قَلَ، عٍ بٍنبَ عِبُرَهِمَ، عِسِيَفَ، نُن يَشُبَ مَرِفِ عَلَتَلَ بَرَ مِنِ عِ مَ.»
6 نَ دَنفِ شَنبِ، عَلَتَلَ مَن نَشَ عَ مَسٍن عَ بّ، «عِ بّلّشّ سَ عِ كَنكٍ مَ عِ شَ دٌنمَ بُن مَ.» عَ تٌ نَ رَبَ، عَ قَ عَ رَ مِنِ، كُنّ عَ بّلّشّ رَقِيشّشِ.
7 عَ مَن نَشَ عَ يَمَرِ، «عِ مَن شَ عِ بّلّشّ سَ عِ كَنكٍ مَ عِ شَ دٌنمَ بُن مَ.» عَ تٌ نَ رَبَ، عَ بّلّشّ نَشَ يَلَن كٍرٍن نَ.
8 عَلَتَلَ نَشَ عَ مَسٍن عَ بّ، «شَ عِسِرَيِلَكَيٍ مُ لَ عِ شُي رَ، شَ نَ مُ عَ رَ نَ تْنشُمَ سِنفٍ رَ، تّمُندٍ عٍ قَمَ نّ لَدٍ عِ رَ نَ تْنشُمَ قِرِن ندٍ شَ قٍ رَ.
9 شَ عٍ مُ لَ عِ شُي رَ نَ تْنشُمَ قِرِنيِيٍ شَ قٍ رَ، عِ شَ يٍ تٌنفٌ نِلِ شُرٍ، عِ عَ رَقِلِ بْشِ مَ. عَ قِندِ مَ نّ وُلِ رَ كٍرٍن نَ.»
10 مُنسَ نَشَ عَلَتَلَ يَابِ، «ﭑ مَرِفِ، عِ عَ كٌلٌن عِ شَ كٌنيِ مُ قَتَ وْيّندٍ. ﭑ نّنيِ بِنيَ ﭑ دّ عِ كَبِ ﭑ دِ مّدِ تّمُي. تٌ مَسٍنيِ مُ نَ قٍ مَسَرَشِ.»
11 عَلَتَلَ نَشَ عَ مَسٍن عَ بّ، «ندٍ مِشِ نّنيِ رَكٍلِمَ؟ ندٍ مِشِ قِندِ مَ بٌبٌي رَ، شَ نَ مُ تُلِشْرِ؟ ندٍ مِشِ قِندِ مَ يَ كَنيِ رَ، شَ نَ مُ دْنشُي؟ ﭑ تَن عَلَتَلَ شَ مُ عَ رَ؟
12 سِفَ. ﭑ عِ مَلِمَ مَسٍنيِ تِدٍ. ﭑ مَسٍنيِ يَتِ رَ سٌمَ نّ عِ دّ عِ، عِ نَشَن تِمَ.»
13 مُنسَ نَشَ عَ يَابِ، «ﭑ مَرِفِ، يَندِ، مِشِ فبّتّ شّي.»
14 نَ كُي عَلَتَلَ نَشَ شْنْ مُنسَ مَ. عَ نَشَ عَ مَسٍن عَ بّ، «عِ تَارَ هَرُنَ فٌ؟ لٍوِ بْنسْي مُ عَ رَ؟ ﭑ عَ كٌلٌن، نَ تَن قَتَ وْيّندٍ. عَ حَن نَ قَقٍ عِ رَلَندٍ. عَ سّيوَ مَ نّ عِ تٌقٍ رَ.
15 عِ مَسٍنيِيٍ تِمَ نّ عَ بّ، عَ نَشَن قَلَمَ حَمَ بّ. ﭑ وٌ قِرِن مَلِمَ نَ كُي. ﭑ عَ مَسٍنمَ وٌ بّ وٌ لَن وٌ شَ نَشَن قَلَ.
16 هَرُنَ عِ شُي مَدَنفِمَ حَمَ بّ، عَلْ نَمِحْنمّ عَلَ شُي مَدَنفِمَ كِ نَشّ.
17 عِ شَ عِ شَ يِسُشُوُرِ تٌنفٌ. عِ كَابَنَكٌ بِرِن نَبَمَ عَ تَن نَ.»
مُنسَ فبِلٍنقٍ مِسِرَ
18 نَ تّمُي مُنسَ نَشَ فبِلٍن عَ بِتَنيِ شْنيِ، عَ عَ قَلَ عَ بّ، «ﭑ وَ مَ سِفَقٍ نفَشَكٍرٍنيِيٍ يِرٍ مِسِرَ بْشِ مَ، ﭑ شَ عَ كٌلٌن عٍ شَ قٍ نَ كِ نَشّ.» يٍتِرٌ نَشَ عَ يَابِ، «سِفَ بْحّسَ كُي.»
19 عَلَتَلَ نُ بَرَ عَ مَسٍن مُنسَ بّ مَدِيَن بْشِ مَ، «عِ شَ فبِلٍن مِسِرَ. نَشٍيٍ نُ وَ مَ عِ قَشَقٍ، نٍيٍ بِرِن بَرَ قَشَ.»
20 نَ كُي مُنسَ نَشَ عَ شَ فِنّ نُن عَ شَ دِيٍ بَكِ سٌقَلٍيٍ قَرِ، عٍ فبِلٍن مِسِرَ. مُنسَ نَشَ عَ شَ يِسُشُوُرِ قَن شَنِن، عَلَ نَشَن مَ قٍ قَلَ عَ بّ.
21 عَلَتَلَ نَشَ يِ مَسٍنيِ تِ مُنسَ بّ، «عِ نَ فبِلٍن مِسِرَ، عِ شَ كَابَنَكٌ بِرِن نَبَ قِرَوُنَ يَ عِ، ﭑ نَشٍيٍ سَشِ عِ سَفٌي. نَ تّمُي ﭑ تَن نَن عَ شَشِلِ رَشْرْشْمَ، عَلَكٌ عَ نَشَ تِن ﭑ مَ حَمَ بّحِندٍ.
22 عِ شَ عَ قَلَ قِرَوُنَ بّ، ‹عَلَتَلَ شُي نَن يَ، عِسِرَيِلَ، ﭑ مَ دِ سِنفٍ نَن عَ رَ.
23 ﭑ بَرَ عِ يَمَرِ عِ شَ عَ بّحِن عَلَكٌ عَ شَ سِفَ ﭑ بَتُدٍ. عِ تٌ بَرَ تٌندِ نَ رَ، ﭑ عِ شَ دِ سِنفٍ قَشَمَ نّ.›»
24 مُنسَ تٌ نُ نَ بِيَاسِ كُي سِفَقٍ رَ مِسِرَ، عَلَتَلَ نَشَ مِنِ عَ مَ كْي رَ، عَ شَ عَ قَشَ،
25 كْنْ مُنسَ شَ فِنّ سِثٌرَ نَشَ عَ شَ دِ شّمّ سُننَ فّمّ شّحّنشِ رَ، عَ نَ سٌلِ سَ عَ سَنيِ مَ. عَ نَشَ عَ قَلَ، «ﭑ مَ مْرِ نَن عِ رَ، مُشُ نُن نَشَن وُلِ كٍرٍن.»
26 نَ كُي عَلَتَلَ نَشَ مُنسَ لُ نَ. سِثٌرَ شَ مَسٍنيِ، «ﭑ مَ مْرِ نَن عِ رَ، مُشُ نُن نَشَن وُلِ كٍرٍن،» عَ نُ وَ مَ سُننّ وُلِ نَن شَ قٍ قَلَقٍ.
27 عَلَتَلَ نَشَ عَ مَسٍن هَرُنَ بّ، «عِ شَ سِفَ مُنسَ رَلَندٍ فبٍنفبٍرٍنيِ مَ.» عَ تٌ نَرَلَن مُنسَ رَ عَلَ شَ فٍيَ مَ، عَ نَشَ عَ سُنبُ.
28 مُنسَ نَشَ عَلَتَلَ شَ شّيرَيَ بِرِن يَ بَ عَ بّ. عَ نَشَ نَ كَابَنَكٌ قٍيٍ قَن قَلَ عَ بّ، عَلَ نَشَن قِشِ عَ مَ عَ رَبَقٍ رَ.
29 مُنسَ نُن هَرُنَ تٌ عِسِرَيِلَكَيٍ لِ، عٍ نَشَ عِسِرَيِلَ قٌرِ بِرِن مَلَن.
30 هَرُنَ نَشَ دّنتّفّ سَ عٍ بّ عَلَتَلَ نَشَن مَسٍنشِ مُنسَ بّ. عَ نَشَ كَابَنَكٌي قَن نَبَ حَمَ يَ شْرِ.
31 حَمَ نَشَ لَ نَ بِرِن نَ. عٍ تٌ عَ كٌلٌن عَ عَلَتَلَ حّنفِ سَشِ عِسِرَيِلَكَيٍ شْن مَ عٍ شَ تْورّ كُي، عٍ نَشَ عٍ عِفٌرٌ بْشِ، عٍ سُيِدِ عَلَ بّ.