24
دُنِحَ شَ حَشَنكَتّ
عَلَتَلَ قَمَ نّ دُنِحَ كَنَدٍ،
سٍسٍ مُ لُ بْشِ مَ سْنْن،
عَدَ مَدِيٍ يٍنسٍنمَ نّ.
مِشِ بِرِن لُمَ تْورّ نَن كُي؛
سّرّشّدُبّ نُن حَمَ، كُنتِفِ نُن كٌنيِ،
فِنّ بَنشِ كَنيِ نُن كٌنيِ فِنّ، يُلّ نُن سَرٍ سٌي،
يٍقُ تِ نُن سٍتَرٍ، دٌنِ تٌنفٌي نُن دٌنِ كَنيِ.
دُنِحَ قَمَ نّ كَنَدٍ،
عَ عِسٍيٍ بِرِن حْنمَ نّ عَ مَ.
عَلَتَلَ شُي نَن نَ كِ.
 
دُنِحَ تُشُنسَنمَ نّ، عَ عِشَرَ مَ نّ،
كُنتِفِيٍ يَتِ هَلَكِمَ نّ.
دُنِحَ مِشِيٍ بَرَ دُنِحَ كْسْ،
عٍ بَرَ عٍ كٌبٍ سٌ سّرِيّ رَ،
عٍ عَلَ شَ يَامَرِيٍ مَتَندِ،
عٍ عَ شَ سَاتّ كَنَ.
نَ نَن عَ رَ عَلَتَلَ دُنِحَ هَلَكِمَ،
نَ كٌتٍ دُ سُ عَدَ مَدِيٍ شُن نَ،
دُنِحَ مِشِيٍ مُ فبٌ سْنْن.
شّ شَبَ تّمُي سَنسِيٍ شُرُنمَ نّ،
شّ شَبَيٍ نِمِسَ.
سَنبَنيِ نُن كْرَ شُي دَنمَ نّ،
شُلُنيِ يٍنسٍن.
مِشِيٍ مُ عٍ سّيوَ مَ سِفِ شُي رَ،
دٌنسٍ يَتِ مُ رَقَنمَ عٍ مَ.
10 تَا كَنَشِ لُمَ نَ كِ نّ تُن،
عَ بَنشِيٍ بِرِن بَلَن.
11 سْنشْي تٍمَ نّ تَا كُي مِنسٍ نُن دٌنسٍ شَ قٍ رَ.
سّيوّ بَرَ حْن، حّلّشِنيِ بَرَ سِفَ.
12 سْنتْي نَن تُن لُمَ تَا كُي قَ،
تَا نَادّ كَنَ قٍوٌ.
 
13 نَ حَشَنكَتّ نَ حْن دُنِحَ بّندّ قُحِ قَرِ حَمَنّيٍ تَفِ،
نَ لُمَ نّ عَلْ عٌلِوِ بِلِ نَشَن عِمَشَمَ عَلَكٌ عَ بٌفِيٍ شَ بَ،
نَ لُمَ نّ عَلْ سَنسِ تْنسْي كٍرٍن كٍرٍن نَشٍيٍ لُمَ شّ مَ شّ شَبَيٍ دَنفِ شَنبِ.
 
14 كْنْ نَشٍيٍ نَ سٌفٍفٌرٌدٍ بِرِ،
نٍيٍ عٍ شُي عِتٍمَ نّ سّيوّ رَ،
عٍ بّيتِ بَ عَلَتَلَ مَتْشْقٍ رَ.
15 نَشٍيٍ نَ سٌفٍتٍدٍ بِرِ،
نٍيٍ عَلَتَلَ مَتْشْمَ نّ،
عٍ عِسِرَيِلَ مَرِفِ عَلَتَلَ شِلِ مَتْشْ بَا سُرِيٍ مَ.
16 كٍلِقٍ دُنِحَ تُنشُن نَانِيٍ رَ،
وٌن بّيتِ مّمَ نّ نَشَن عَ قَلَمَ،
«نْرّ كَنيِ نَن تِنشِنتْي رَ.»
 
كْنْ ﭑ تَن نَشَ عٍ يَابِ،
«ﭑ شُن نَكَنَقٍ، ﭑ قَتٍ نَ بَقٍ ﭑ مَ.
حَشَنكَتّ نَ ﭑ بّ.
تِنشِنتَرٍيٍ بَرَ ﭑ يَنقَ عَ حَاشِ رَ.»
17 فبَلٌي نَن وٌ لِمَ، وٌ تَن دُنِحَ مِشِيٍ.
18 نَشَن نَ عَ فِ نَ فبَلٌي يَ رَ، عَ بِرَ مَ يِلِ نَن كُي.
نَشَن نَ تٍ نَ يِلِ كُي، يّلّ نَن دُ سُمَ عَ شُن نَ.
كٌورٍ وَلَشّ بِرَ مَ نّ،
بْشِ قَن سّرّن.
19 دُنِحَ كَنَمَ نّ، عَ عِبْو، عَ سّرّن.
20 عَ دَفَلَنمَ نّ عَلْ سِيسِلَ،
عَ عِمَشَ عَلْ بَفٍ تُرُننَادّ مِنِ تّمُي،
بَرِ مَ عَ شَ يُنُبِيٍ بَرَ فبٌ.
عَ بِرَ مَ نّ، عَ مُ كٍلِمَ سْنْن.
 
21 نَ لْشْي عَلَتَلَ كٌورٍ دَالِيٍ نُن دُنِحَ مَنفّيٍ حَشَنكَتَمَ نّ عٍ شَ وَلِيٍ مَ.
22 عٍ قَمَ نّ مَلَندٍ يِرٍ كٍرٍن عَلْ فٍيلِمَنِيٍ نَشٍيٍ نَ فٍيلِ كُي.
عٍ بُمَ نّ نَا هَن عٍ قَ كِيتِ.
23 كِكٍ نُن سٌفٍ لْيمَ نّ،
مَنفّ عَلَتَلَ يَامَرِ تِمَ نّ سِيٌنِ فٍيَ قَرِ دَرِ سَلَمُ
قٌرِيٍ يَ عِ عَ نْرّ قَنيِ بُن مَ.