50
مَسٍنيِ بَبِلْن بّ
عَلَتَلَ شَ مَسٍنيِ عَ نَشَن قِشِ عَننَبِ يٍرٍ مِ مَ بَبِلْنكَيٍ شَ قٍ رَ،
نَشٍيٍ نَ كَلِدِ بْشِ مَ.
«وٌ شَ عَ قَلَ سِ بِرِن بّ، وٌ شَ عٍ رَكٌلٌن عَ رَ،
وٌ شَ تْنشُمَ تِ نَ شَ قٍ رَ، وٌ نَشَ عَ نْشُن.
وٌ شَ عَ قَلَ، ‹بَبِلْن بَرَ سُشُ،
عَ شَ عَلَ كُيٍ بٍلِ نُن مٍرٌدَكِ بَرَ يَافِ، عٍ بَرَ فَاشُ،
بَرِ مَ سِ ندٍ كٍلِقٍ كْولَ مَ، نَ تٍقٍ عٍ شِلِ مَ.
سِ نَن عَ رَ نَشَن قِندِشِ فبَلٌي رَبَ رَ،
مِشِ يٌ، سُبٍ يٌ، سٍسٍ مُ لُشِ سْنْن، عٍ بِرِن بَرَ عٍ فِ.›»
 
عَلَتَلَ شَ مَسٍنيِ نَن يَ؛
«نَ وَشَتِ عِسِرَيِلَكَيٍ نُن يُدَيَكَيٍ فبِلٍنمَ نّ.
عٍ قَمَ نّ وَ رَ، عٍ عٍ مَرِفِ عَلَتَلَ قٍن.
عٍ مَشْرِنيِ تِمَ نّ سِيٌن شَ قٍ رَ،
عٍ عٍ شُنتِ نَا رَ.
‹وٌن شّي، وٌن شَ سَاتّ شِرِ وٌن نُن عَلَتَلَ تَفِ،
سَاتّ نَشَن مُ نّيمُمَ وٌن نَ سْنْن.›
ﭑ مَ حَمَ نُ لُشِ نّ عَلْ شُرُ سٍ لْيشِيٍ.
عٍ كَنتَمَيٍ بَرَ عٍ رَلْي فٍيَيٍ قَرِ.
عٍ نُ تٍ، عٍ نُ فٌرٌ، عٍ مُ عَ كٌلٌن عٍ نَ دّدّ.
نَشٍيٍ نَ عٍ تٌ، عٍ عٍ تْورْ.
عٍ يَشُييٍ بَرَ عَ قَلَ، ‹مُشُ قْشِ مُ عَ رَ.
عٍ يِ سْتْشِ نّ بَرِ مَ عٍ بَرَ يُنُبِ رَبَ عَلَتَلَ رَ،
نَشَن نُ بَرَ تِنشِنيِ مَسٍن عٍ بّ،
عٍ بَبَيٍ شَشِلِ نُ تِشِ نَشَن نَ.›»
عَلَتَلَ شَ مَسٍنيِ عِسِرَيِلَكَيٍ بّ
«وٌ وٌ فِ، وٌ شَ مِنِ بَبِلْن،
وٌ مِنِ كَلِدِ بْشِ رَ.
وٌ شَ لُ عَلْ سِكْتّ نَشَن تِشِ شُرُ سٍيٍ يَ رَ.
ﭑ تَن يَتِ سِيٍ رَكٍلِمَ نّ بَبِلْن شِلِ مَ، كٍلِقٍ كْولَ مَ.
عٍ قَمَ نّ فٍرٍ شْرْشْي تِدٍ عٍ بّ.
عٍ شَ تَنبّيٍ سّنبّ فبٌ، عٍ شَ فٍرٍ سْونّيَمَ نّ.
10 كَلِدِ بْشِ قَمَ نّ كَنَدٍ،
عٍ يَشُييٍ قَ عٍ وَشْنسٍ تٌنفٌدٍ.
عَلَتَلَ شَ مَسٍنيِ نَن نَ كِ.»
عَلَتَلَ شَ مَسٍنيِ بَبِلْن بّ
11 «عِيٌ، وٌ شَ سّيوَ، وٌ شَ حّلّشِن،
وٌ تَن نَشٍيٍ بَرَ ﭑ كّ شُن نَكَنَ.
عِيٌ، وٌ شَ تُفَن عَلْ نِنفٍيٍ،
وٌ شَ وٌ شُي رَ مِنِ عَلْ سٌييٍ.
12 وٌ نفَ بَرَ يَافِ،
نَشَن وٌ بَرِشِ عَ بَرَ لُ يَافِ كُي.
عَ بَرَ قِندِ سِ دْنشْي رَ،
عَ شَ بْشِ بَرَ قِندِ فبٍنفبٍرٍنيِ رَ، يِرٍ مَشَرَشِ رَ.
13 عَلَتَلَ بَرَ شْنْ عَ مَ، عَ شَ بْشِ مُ رَ سَبَتِمَ سْنْن.
عَ بَرَ قِندِ فبَلٌي يِرٍ رَ.
مِشِ نَشَن نّ دَنفِمَ نَا، نَ كَنيِ دّ عِشَرَ مَ نّ،
عٍ كَابَ نَ فبَلٌي مَ.»
عَلَتَلَ شَ مَسٍنيِ بَبِلْن يَشُييٍ بّ
14 «وٌ شَ تِ بَبِلْن يَ رَ فٍرٍ كِ مَ.
شَلِ كَنيِيٍ، وٌ شَ تَنبّيٍ وٌلِ عٍ مَ.
وٌ شَ فٍرٍ تِ سّنبّ رَ،
بَرِ مَ عَ بَرَ يُنُبِ رَبَ عَلَتَلَ رَ.
15 وٌ شَ سْنشْي رَتٍ عَ مَ.
عَ وَ مَ عَ يّتّ نَن قِقٍ وٌ مَ، عَ شَ بَنشِيٍ بَرَ كَنَ،
عَ شَ تّتّ بَرَ بِرَ عَلَتَلَ فبٍحْشْي سَابُي رَ.
وٌ قَن شَ وٌ فبٍحْشْ.
وٌ شَ عَ رَبَ عَ رَ عَلْ عَ عَ رَبَشِ وٌ رَ كِ نَشّ.
16 وٌ شَ شّي سَيٍ نُن شّي شَبَمَيٍ قَشَ بَبِلْن.
سَنتِدّفّمَ شَ عَ نِيَ عٍ بِرِن شَ عٍ فِ عٍ شْنيِ مَ.
17 عِسِرَيِلَ لُشِ نّ عَلْ شُرُ سٍ لْيشِ، يّتّ بَرَ نَشٍيٍ كٍرِ.
عَسِرِ مَنفّ نَن سِنفٍ عَ تْورْ،
بَبِلْن مَنفّ قَن قَ عَ هَلَكِ عَ دْنشْي رَ.»
 
18 نَ نَن عَ رَ عِسِرَيِلَ مَرِفِ عَلَتَلَ عَ مَسٍنشِ،
«ﭑ بَبِلْن مَنفّ نُن عَ شَ حَمَ حَشَنكَتَمَ نّ
عَلْ ﭑ عَ رَبَشِ عَسِرِيَ مَنفّ رَ كِ نَشّ.
19 ﭑ عِسِرَيِلَ رَفبِلٍنمَ نّ عَ شْنيِ،
عَ شَ فْورّ مَن شَ لُ كَرٍ مٍلٍ نُن بَسَن،
عَ شَ وَ سَ قٍ قَنيِ رَ عٍقِرَ مِ نُن فَلَدِ فٍيَيٍ قَرِ.
20 عَلَتَلَ شَ مَسٍنيِ نَن يَ؛
نَ وَشَتِ ﭑ دِحّمَ نّ عِسِرَيِلَ شَ يُنُبِيٍ مَ،
ﭑ دِحّ يُدَيَ شَ يُنُبِيٍ قَن مَ،
بَرِ مَ ﭑ بَرَ مِشِ دْنشْي شَ يُنُبِيٍ شَقَرِ.»
عَلَتَلَ شَ مَسٍنيِ بَبِلْن يَشُييٍ بّ
21 «وٌ تٍ مٍرَتَيِمِ بْشِ مَ ثٍكٌدِكَيٍ شِلِ مَ.
وٌ شَ عٍ رَتْن، وٌ شَ ﭑ مَ يَامَرِ بِرِن نَكَمَلِ.
22 فٍرٍ سْنشْي نَ عٍ شَ بْشِ مَ، فبَلٌي نَ عَ رَ.
23 بَبِلْن سّنبّمَ بَرَ كَنَ،
نَشَن نُ لُشِ عَلْ دّرّ مَ دُنِحَ بِرِن كُي.
يَكْسِ عَ بَرَ قِندِ فبَلٌي يِرٍ رَ.
24 ﭑ بَرَ بَبِلْن سُشُ فَنتَنيِ رَ عَ مُ نَشَن تٌشِ.
ﭑ بَرَ عِ تٌ، ﭑ بَرَ عِ مَسْتْ بَرِ مَ عَلَ مَتَندِ نَن نُ عِ رَ.
25 عَلَتَلَ نَن فٍرٍ سٌشِ بَبِلْن عَ شَ شْنّ كُي.
مَنفّ عَلَتَلَ نَ وَلِقٍ كَلِدِ بْشِ مَ.
26 دُنِحَ بِرِن شَ قَ بَبِلْن،
وٌ شَ عٍ شَ بَنشِيٍ رَبِ عٍ سَنسِ بٌفِيٍ رَفَتَمَ دّننَشّ.
نَ بِرِن شَ رَتْن، سٍسٍ نَشَ لُ.
27 وٌ شَ عٍ شَ تُورَيٍ بِرِن كْن نَشَبَ شُرُ سٍ كْن نَشَبَمَ دّننَشّ.
حَشَنكَتّ نَ عٍ بّ، عٍ شَ كِيتِ وَشَتِ بَرَ عَ لِ.
28 مِشِ نَشٍيٍ كٍلِشِ بَبِلْن كٌنيِيَ كُي،
عٍ نَ مَسٍنيِ تِقٍ سِيٌن،
‹مُشُ مَرِفِ عَلَتَلَ بَرَ عَ فبٍحْشْ،
عَ بَرَ عَ شَ هْرْ مْلِنفِرَ فبٍحْشْ.›
29 شَلِ كَنيِيٍ شَ قَ بَبِلْن شِلِ مَ،
نَشٍيٍ قَتَ تَنبّ وٌلِدٍ.
وٌ شَ بَبِلْن نَبِلِن، مِشِ يٌ نَشَ مِنِ.
وٌ شَ عَ شَ كّوَلِ سَرٍ رَفبِلٍن عَ مَ،
وٌ شَ عَ رَبَ عَ رَ عَلْ عَ رَبَشِ مِشِ فبّتّ رَ كِ نَشّ.
عَ بَرَ عَ يّتّ عِفبٌ عَلَتَلَ مَ، عِسِرَيِلَ سّنِيّنتْي.
30 نَ نَن عَ رَ عَ شَ قٌنِكٍيٍ قَمَ بِرَدٍ تَا كُي،
عَ شَ سْورِيٍ دُندُ نَ تّمُي.
عَلَتَلَ شَ مَسٍنيِ نَن نَ كِ.»
عَلَتَلَ شَ مَسٍنيِ بَبِلْن بّ
31 «عِ تَن يّتّ عِفبٌي،
ﭑ شَ عِ حَشَنكَتَ.
عِ شَ كِيتِ لْشْي بَرَ عَ لِ.
عَلَتَلَ شَ مَسٍنيِ نَن نَ كِ.»
عَلَتَلَ شَ مَسٍنيِ
32 «نَ يّتّ عِفبٌي بِرَ مَ نّ، مِشِ يٌ مُ عَ رَكٍلِمَ.
ﭑ عَ شَ تَايٍ فَنمَ نّ، ﭑ عَ رَبِلِنيِ بِرِن كَنَ.
33 مَنفّ عَلَتَلَ بَرَ عَ مَسٍن،
عِسِرَيِلَكَيٍ نُن يُدَيَكَيٍ نَ حَشَنكَتّ كُي.
مِشِ نَشٍيٍ عٍ رَ سٌشِ كٌنيِيَ كُي عٍ تٌندِ مَ نّ عٍ رَبّحِندٍ.
34 كْنْ عٍ شُنسَرَ مَ سّنبّ فبٌ، عَ شِلِ مَنفّ عَلَتَلَ.
عَ عٍ شُن مَقَلَمَ نّ عَلَكٌ عٍ شَ بْحّسَ سْتْ،
بَبِلْنكَيٍ شُن شَ رَكَنَ.
35 سَنتِدّفّمَ شَ كَلِدِكَيٍ قَشَ،
عَ شَ بَبِلْنكَيٍ، عٍ شَ كُنتِفِيٍ، نُن عٍ شَ كَرَ مْشْي سْنتْ.
36 سَنتِدّفّمَ شَ عٍ شَ نَمِحْنمّ وُلٍ قَلّيٍ قَشَ.
شَشِلِتَرٍيٍ نَن عٍ رَ.
سَنتِدّفّمَ شَ عٍ شَ سْورِيٍ قَشَ.
عٍ شَ لُ فَاشُي كُي.
37 سَنتِدّفّمَ شَ عٍ شَ سٌييٍ قَشَ،
عَ شَ عٍ شَ سْورِ رَفِسٍيٍ كَنَ.
سَنتِدّفّمَ شَ عٍ شَ سْورِ سَرَشِيٍ قَشَ.
عٍ شَ لُ عَلْ فِنّيٍ.
سَنتِدّفّمَ شَ عٍ شَ نَاقُلِ كَنَ، عٍ شَ شَنِن.
38 عٍ شَ شُرٍيٍ شَ شْرِ.
كُيٍ بْشِ نَ عَ رَ.
كُيٍيٍ نَن مِشِ مَدَشُمَ.
39 نَ نَن عَ رَ وُلَءِ سُبٍيٍ لُمَ نَا،
وُلَءِ بَرٍيٍ، بَرَتّيٍ، نُن شْنِ حَاشِيٍ.
مِشِ يٌ مُ سَبَتِمَ نَا سْنْن.
40 عَ لُمَ نّ عَلْ سٌدٌ مَ نُن فٌمٌرَ عَلَ نَشَن كَنَ.
مِشِ مُ تٌمَ نَا، عَدَ مَدِ يٌ مُ سَبَتِمَ نَا.
عَلَتَلَ شَ مَسٍنيِ نَن نَ كِ.»
 
41 «حَمَ نَ قَقٍ كٍلِقٍ كْولَ مَ.
سِ سّنبّمَ نَ عَ رَ، نَشَن شَ مَنفّيٍ نَ دُنِحَ يِرٍ بِرِن.
42 شَلِ نُن تَنبّ نَ عٍ يِ رَ.
عٍ حَاشُ، عٍ مُ كِنِكِنِ كٌلٌن.
عٍ شُي فبٌ عَلْ مْرْنيِ شُي.
عٍ حّرّ مَ سٌي نَن قَرِ، عٍ قَتَ فٍرٍ رَ.
عٍ نَ قَقٍ بَبِلْن نَن قْشْ رَ.
43 بَبِلْن مَنفّ تٌ نَ مّ،
عَ سّنبّ نَشَ كَنَ، عَ بْحّ نَشَ فَاشُ،
عَلْ فِنّ نَشَن نَ دِ بَرِقٍ.
44 ﭑ لُمَ نّ عَلْ يّتّ نَشَن كٍلِمَ يُرُدّن شُرٍ قّ مَ،
عَ سِفَ سُبٍ قٍندٍ يِرٍ فبّتّ.
ﭑ بَبِلْن كٍرِ مَ نّ عَ شْنيِ، ﭑ قَ مَنفّ سُفَندِشِ تِ عَ شُن.
ندٍ مَنِيَ ﭑ نَ؟ ندٍ ﭑ نَسِمَ؟
ندٍ نْمَ ﭑ نَتٌندِدٍ؟
45 نَ كُي وٌ شَ وٌ تُلِ مَتِ عَلَتَلَ شَ نَتّ رَ،
عَ نَشَن تٌنفٌشِ بَبِلْن شِلِ مَ،
عَ نَشَن حَنِفٍشِ كَلِدِ شَ بْشِ شَ قٍ رَ.
عَ عٍ شَنِنمَ نّ عَلْ شُرُ سٍيٍ، عَ قَ عٍ شْنيِ كَنَ.
46 دُنِحَ نَ عَ كٌلٌن عَ بَبِلْن بَرَ سُشُ،
عٍ سّرّنمَ نّ، عٍ قَ لُ فَاشُي كُي.»