52
دَرِ سَلَمُ بِرَقٍ
سٍدٍكِيَ مَنفّيَ سْتْ عَ حّ مْشْحّن نُن كٍرٍن نَن مَ، عَ قَ حّ قُ نُن كٍرٍن مَنفّيَ رَبَ دَرِ سَلَمُ. عَ نفَ نُ قِندِشِ يٍرٍ مِ شَ دِ شَمُتَلِ نَشَن كٍلِ لِبِنَ مَ. سٍدٍكِيَ نَشَ قٍ حَاشِ رَبَ عَ مَرِفِ عَلَتَلَ يَ شْرِ عَلْ يٍهٌيَكِمِ نُ بَرَ عَ رَبَ كِ نَشّ. دَرِ سَلَمُ نُن يُدَيَ نُ بَرَ قٍ شْرْشْي سْتْ عَلَتَلَ شَ شْنّ شَ قٍ رَ. عَ رَحْنيِ عَلَتَلَ نَشَ عَ فبِلٍن عٍ قْشْ رَ.
نَ تّمُي سٍدٍكِيَ نَشَ مَنفّ نٍبُكَدَنسَرِ مَتَندِ. نَ كُي عَ شَ مَنفّيَ حّ سٌلٌمَنَانِ ندٍ، كِكٍ قُ، شِ قُ ندٍ رَ، بَبِلْن مَنفّ نٍبُكَدَنسَرِ نَشَ قَ عَ نُن عَ شَ سْورِ فَلِ رَ دَرِ سَلَمُ فٍرٍ شِلِ مَ. عٍ نَشَ يٌنكِن تَا رَبِلِنيِ رَ، عٍ سٍ ندٍ تِ عَلَكٌ عٍ شَ نْ تٍدٍ تّتّ قَرِ. تَا نَشَ لُ سُشُي كُي هَن مَنفّ سٍدٍكِيَ شَ مَنفّيَ حّ قُ نُن كٍرٍن ندٍ رَ.
كِكٍ نَانِ ندٍ شِ سٌلٌمَنَانِ ندٍ رَ، كَامّ نُ بَرَ سّنبّ سْتْ تَا كُي، دٌنسٍ يٌ مُ نُ نَ حَمَ يِ رَ سْنْن. تَا تّتّ تٌ كَنَ، سْورِيٍ نَشَ عٍ فِ نَادّ رَ نَشَن نَ تّتّ قِرِنيِيٍ تَفِ، مَنفّ شَ مَلَبُدٍ قّ مَ، عٍ قَ سِفَ عَرَبَ قِيلِ مَ. كَلِدِكَيٍ نُ يٌنكِنشِ تَا رَبِلِنيِ.
كَلِدِكَيٍ تٌ تَا سْورِيٍ تٌ عٍ فِ رَ، عٍ نَشَ بِرَ عٍ شَ مَنفّ قْشْ رَ، عٍ قَ عَ سُشُ يٍرِكٌ قِيلِ مَ. مَنفّ شَ سْورِيٍ نَشَ عٍ فِ عَ شُن مَ، عٍ يٍنسٍن يّ. كَلِدِكَيٍ نَشَ مَنفّ سُشُ، عٍ عَ شَنِن بَبِلْن مَنفّ شْن مَ رِبِلَ عَ مَكِيتِقٍ رَ. 10 عٍ نَشَ سٍدٍكِيَ شَ دِيٍ كْن نَشَبَ عَ يَ شْرِ، عٍ قَ عَ تَن يَيٍ كَنَ. 11 نَ دَنفِ شَنبِ، بَبِلْن مَنفّ نَشَ عَ شِرِ وُرٍ فبٍيلِ يْلْنشْنيِ رَ، عَ عَ شَنِن بَبِلْن. مّننِ عَ نَشَ لُ فٍيلِ كُي هَن عَ قَشَ تّمُي نَشّ.
12 كِكٍ سُولِ ندٍ شِ قُ ندٍ رَ، نٍبُكَدَنسَرِ شَ مَنفّيَ حّ قُ نُن سٌلٌمَنَانِ ندٍ بَبِلْن شُن مَ، نٍبُسَرَدَن بَبِلْن مَنفّ شَ سْورِ شُنيِ نَشَ سِفَ دَرِ سَلَمُ. 13 عَ نَشَ عَلَتَلَ شَ بَنشِ، مَنفّ شَ بَنشِ، نُن دَرِ سَلَمُ بَنشِ شُنفبٍ بِرِن فَن. 14 كَلِدِكَيٍ شَ سْورِ نَشٍيٍ نُ نَ عَ قْشْ رَ، عٍ نَشَ تّتّ رَبِرَ نَشَن نُ دَرِ سَلَمُ رَبِلِنشِ. 15 نٍبُسَرَدَن، بَبِلْن سْورِ مَنفّ نَشَ دَرِ سَلَمُ حَمَ دْنشْييٍ شَنِن بَبِلْن، عَلْ سٍتَرٍيٍ، وَلِكّيٍ، نُن مِشِ نَشٍيٍ عٍ يّتّ سٌ بَبِلْن مَنفّ يِ رَ. 16 كْنْ عَ نَشَ تِن سٍتَرٍ ندٍيٍ تَن شَ لُ نَا، عٍ شَ نُ بْشِ رَوَلِ، عٍ نُ وّنِ بِلِيٍ سِ.
17 كَلِدِكَيٍ نَشَ سٍيٍ تٌنفٌ نَشٍيٍ يَءِلَنشِ وُرٍ فبٍيلِ رَ، عٍ عٍ رَشُنُ عَلَكٌ عٍ شَ نَ وُرٍ فبٍيلِ شَنِن بَبِلْن. نَ كُي، عٍ نَشَ كِنكِ قِرِن، يٍ سَسٍ شُنفبٍ، نُن عَ دْشْدٍيٍ كَنَ. 18 عٍ نَشَ عَلَتَلَ شَ بَنشِ تُندٍيٍ، ثٍلِيٍ، قِنّيٍ، تْنبِلِيٍ، نُن يِرَبَسٍ بِرِن تٌنفٌ، نَشٍيٍ نُ يَءِلَنشِ وُرٍ فبٍيلِ رَ. 19 عَ نَشَ يِرَبَسٍيٍ نُن ثْوتِيٍ قَن بِرِن تٌنفٌ نَشٍيٍ نُ يَءِلَنشِ شّيمَ نُن فبٍتِ رَ. 20 بَنشِ كِنكِ قِرِنيِيٍ، يٍ سَسٍ شُنفبٍ نَشَن شِلِ «بَا،» عَ دْشْدٍ قُ نُن قِرِنيِ نَشٍيٍ نُ نَ عَ بُن مَ، عٍ مَسٌلِشِ تُورَيٍ رَ، سُلٍمَنِ نَشٍيٍ يَءِلَن عَلَتَلَ شَ بَنشِ بّ، نَ بِرِن قِندِشِ وُرٍ فبٍيلِ فبٍفبٍ نَن نَ، نَشَن شَسَبِ مُ نُ نْمَ كٌلٌندٍ. 21 نَ بَنشِ كِنكِ قِرِنيِيٍ شَ مَءِتٍيَ نُ نْنفْن يَ قُ نُن سٌلٌمَسَشَن لِمَ، عٍ رَبِلِنيِ نُ نْنفْن يَ قُ نُن قِرِن لِمَ. نٍيٍ نُ يَءِلَنشِ وُرٍ فبٍيلِ نَن نَ نَشَن تِلِنيِ سُشُي تَفِ لِمَ، عٍ كُي عِفٍلِشِ. 22 نَ كِنكِ شُنيِيٍ نُ يَءِلَنشِ وُرٍ فبٍيلِ نَن نَ، عٍ مَسٌلِ كْوبّ بٌفِ مَنِيّيٍ رَ. نٍيٍ شَ مَءِتٍيَ نُ نْنفْن يَ سُولِ لِمَ. 23 كْوبّ بٌفِ مَنِيّ تٌنفٌ سٌلٌمَنَانِ نُن سٍننِ نُ نَ تَندٍ مَبِرِ، نَانِ نُ نَ بَنشِ كُي مَبِرِ، نَشٍيٍ بِرِن نَلَنشِ لَن كّمّ مَ.
24 بَبِلْن سْورِ مَنفّ نَشَ سّرّشّدُبّ كُنتِفِ سٍرَيَ، سّرّشّدُبّ قِرِن ندٍ سٍقَنِيَ، نُن هْرْ مْبَنشِ نَادّ مَكَنتّ سَشَنيِيٍ شَنِن عَ شُن مَ. 25 عَ نَشَ يِ مِشِ شُنفبٍيٍ قَن شَنِن؛ سْورِ مَنفّ، مَنفّ رَ سِمَ سٌلٌقٍرٍ نَشٍيٍ تٌشِ تَا كُي، كُنتِفِ ندٍ نَشَن نُ سْورِيٍ سُفَندِ مَ، نُن نَ تَاكَيٍ مِشِ تٌنفٌ سٍننِ. 26 بَبِلْن سْورِ مَنفّ نٍبُسَرَدَن نَشَ نَ مِشِ بِرِن شَنِن بَبِلْن مَنفّ شْن مَ رِبِلَ. 27 بَبِلْن مَنفّ نَشَ عٍ قَشَ رِبِلَ، شَمَتَ بْشِ مَ. يُدَيَكَيٍ تٌنفٌشِ عٍ شَ بْشِ مَ نَ كِ نّ.
28 مِشِ شَسَبِ نَن يَ نٍبُكَدَنسَرِ نَشَن شَنِن كٌنيِيَ كُي بَبِلْن بْشِ مَ؛
عَ شَ مَنفّيَ حّ سٌلٌقٍرٍ ندٍ، يُدَيَكَ مِشِ وُلُ سَشَن مِشِ مْشْحّن نُن سَشَن.
29 عَ شَ مَنفّيَ حّ قُ نُن سٌلٌمَسَشَن ندٍ، دَرِ سَلَمُكَ مِشِ كّمّ سٌلٌمَسَشَن، مِشِ تٌنفٌ سَشَن نُن قِرِن.
30 عَ شَ مَنفّيَ حّ مْشْحّن نُن سَشَن ندٍ، يُدَيَكَ مِشِ كّمّ سٌلٌقٍرٍ، مِشِ تٌنفٌ نَانِ نُن سُولِ.
نَ بِرِن لَنشِ مِشِ وُلُ نَانِ، مِشِ كّمّ سٍننِ نَن مَ.
31 يُدَيَ مَنفّ يٍهٌيَكِنِ شَ سِفّ حّ تٌنفٌ سَشَن نُن سٌلٌقٍرٍ ندٍ رَ بَبِلْن بْشِ مَ، عَ كِكٍ قُ نُن قِرِن ندٍ، شِ مْشْحّن نُن سُولِ ندٍ رَ، عٍقِلِ مٍرٌدَكِ نَشَ قِندِ بَبِلْن مَنفّ رَ، عَ قَ يُدَيَ مَنفّ يٍهٌيَكِنِ رَ مِنِ فٍيلِ. 32 عَ نَشَ هِننّ عَ رَ، عَ عَ شَ كِبَنيِ رَدَنفِ مَنفّ فبّتّيٍ رَ، عَ تَن نُن نَشٍيٍ نُ عَ رَ بَبِلْن بْشِ مَ. 33 يٍهٌيَكِنِ نَشَ عَ شَ فٍيلِمَنِ سٌسٍيٍ مَسَرَ، عَ نُ قَ عَ دّفٍ مَنفّ شَ تٍيبِلِ رَ تّمُي بِرِن. 34 بَبِلْن مَنفّ نَشَ عَ حْشْ سَ عَ شَ قٍ شْن مَ عَ قَنيِ رَ، عَ نَشَ عَ كِ عَ شَ سِمَيَ بِرِن كُي.