2
حَشَنكَتّ نُن كِسِ
حَشَنكَتّ نَ مِشِيٍ بّ،
نَشٍيٍ عٍ مَحْشُنمَ مَءِقُيَ نُن قٍ حَاشِ رَبَقٍ مَ عٍ سَ تّمُي،
كُيٍ نّقّ عِبَ، عٍ قَ قٍ كٌبِيٍ رَبَ،
بَرِ مَ نَ نْي نَ عٍ يِ رَ.
عٍ نَ مِلّ شّيٍ مَ، عٍ نٍيٍ بَ عٍ كَنيِيٍ يِ رَ.
عٍ نَ مِلّ بَنشِيٍ مَ، عٍ نٍيٍ تٌنفٌ عٍ سّنبّ رَ.
عٍ قُ مِشِ مَ، عٍ عَ شَ بَنشِ مُحَ.
عٍ قُ مِشِ مَ، عٍ عَ كّ رَ سُشُ عَ يِ.
نَ شَ قٍ رَ، مَرِفِ عَلَتَلَ نَشّ،
«ﭑ حَشَنكَتّ دْشْمَ نّ نَ مِشِ مْولِ مَ،
وٌ مُ نْمَ وٌ رَتَنفَدٍ نَشَن مَ.
ﭑ قَمَ وٌ شُن فٌرٌدٍ نَ حَشَنكَتّ تّمُي.
عٍ وٌ شَ قٍ عِقَلَمَ تَالِ دَاشِ نّ نَ لْشْي،
عٍ وٌ مَسِفِ عَ مَيٍلٍ كِ مَ، عٍ نُ قَ عَ قَلَ،
‹مُشُ شَ قٍ بَرَ كَنَ قٍوٌ.
مُشُ شَ بْشِيٍ بَرَ بَ مُشُ يِ رَ.
عَ بَرَ عٍ بَ مُشُ يِ، عَ عٍ سٌ مُشُ يَشُييٍ يِ رَ.›»
 
نَ نَن عَ رَ، وٌ مُ مِشِ يٌ سْتْمَ عَلَتَلَ شَ حَمَ يَ مَ،
نَشَن نْمَ بْشِ عِتَشُندٍ وٌ بّ عَلَ شَ تْنشُمَيٍ سَابُي رَ.
عٍ شَ نَمِحْنمّيٍ عَ قَلَمَ،
«بَ يِ مَسٍنيِ مْولِ تِقٍ،
نَمِحْنمّ مُ لَنمَ عَ شَ نَ قَلَ.
وٌن مُ قَمَ لُدٍ يَافِ يٌ كُي.
يَشُبَ بْنسْي، عَ لَنمَ عَ شَ قَلَ،
عَلَتَلَ شْنْمَ عَ بْحّ مَ؟
عَ دَرِشِ نَ وَلِ مْولِ رَبَ رَ؟»
 
عَلَتَلَ نَشَ عٍ يَابِ،
«ﭑ مَ مَسٍنيِيٍ مُ قَنشِ شّ تِنشِنتْييٍ بّ؟
يِ وَشَتِ ﭑ مَ حَمَ بَرَ لُ عَلْ ﭑ يَشُي.
وٌ دٌنمَ قَنيِ بَمَ دَنفِ مِشِيٍ مَ،
نَشٍيٍ قَقٍ بْحّسَ كُي كٍلِقٍ فٍرٍ سٌدٍ.
وٌ ﭑ مَ حَمَ شَ فِنّيٍ كٍرِ مَ عٍ شَ بَنشِ قَنيِيٍ كُي،
وٌ عٍ شَ دِيٍ شَ شُننَكٍلِ بَمَ عٍ يِ رَ ﭑ نَشَن قِ عٍ مَ.
10 وٌ كٍلِ، وٌ سِفَ،
ﭑ بَرَ يِ بْشِ بَ وٌ يِ رَ سَبَتِدٍ رَ،
بَرِ مَ عَ مُ سّنِيّن، عَ بَرَ كَنَ كٍرٍنيِ رَ.
11 شَ وُلٍ قَلّ نُن مِشِ مَدَشُي قَ عَ قَلَ وٌ بّ،
‹وٌ قَمَ بٍيرٍ نُن وّنِ سْتْدٍ›،
نَ مِشِ مْولِ نَن نَقَن وٌ مَ نَمِحْنمّ رَ.»
 
12 «يَشُبَ بْنسْي، ﭑ وٌ بِرِن مَلَنمَ نّ.
عِسِرَيِلَ مِشِ دْنشْييٍ، ﭑ وٌ شُن لَنمَ نّ.
ﭑ وٌ مَلَنمَ نّ، عَلْ يّشّييٍ نَشٍيٍ مَلَنمَ فْورّ كُي،
عَلْ شُرُ سٍيٍ نَشٍيٍ نَ قِيلِ مَ عٍ دّ مَدٌندٍ.
حَمَ فبٍفبٍ سَبَتِمَ نّ نَا.
13 عٍ شَ مَنفّ قَمَ نّ تَا تّتّ عِبْودٍ،
عَ قَ تِ حَمَ يَ رَ،
عَ عٍ بِرِن نَمِنِمَ نّ نَا.
عَلَتَلَ نَن قِندِ عٍ شُنيِ رَ.»