3
عِسِرَيِلَ يَرٍرَتِيٍ شَ يُنُبِيٍ
1 ﭑ نَشّ، «يَشُبَ بْنسْي مَنفّيٍ،
عِسِرَيِلَ يَرٍرَتِيٍ، وٌ شَ وٌ تُلِ مَتِ.
وٌ تَن شَ مُ دَشَ وٌ شَ سّرِيّ كٌلٌن؟
2 كْنْ وٌ قٍ قَنيِيٍ شْنمَ، قٍ حَاشِيٍ نَن نَقَن وٌ مَ.
وٌ مِشِيٍ تْورْ مَ هَن،
عَ لُشِ نّ عَلْ وٌ عٍ شَ كِرِ نُن سُبٍ بَمَ عٍ قَتٍيٍ مَ،
3 وٌ نَ عِبٌلٌن عَ شُنتُنيِيٍ رَ، وٌ عَ حِن تُندٍ كُي، وٌ قَ عَ دٌن.»
4 نَ مِشِ مْولِ قَمَ نّ عَلَتَلَ شِلِدٍ،
كْنْ عَ مُ عٍ يَابِمَ.
نَ لْشْي عَ عَ كٌبٍ سٌمَ نّ عٍ رَ،
بَرِ مَ عٍ حّرّ كِ مُ قَن.
5 عَلَتَلَ شَ مَسٍنيِ نَن يَ،
«وٌ تَن نَمِحْنمّ نَشٍيٍ ﭑ مَ حَمَ رَتَنتَنمَ،
نَشٍيٍ بْحّسَ مَسٍنمَ مِشِيٍ بّ نَشٍيٍ وٌ كِمَ،
كْنْ وٌ مِشِيٍ تَن فٍرٍ نَشٍيٍ وٌ كُمَ.
6 نَ شَ قٍ رَ، كْي سٌمَ نّ وٌ شُن،
وٌ مُ تٌي تِمَ، وٌ مُ لَامَتُنيِيٍ سْتْمَ، وٌ لُمَ دِ مِ نَن كُي تُن.
سٌفٍ دُلَمَ نّ نَ نَمِحْنمّيٍ شُن،
يَنيِ قَن عِقْورْ عٍ بّ.
7 سٍ مَتٌي يَافِمَ نّ،
نَشٍيٍ يَرٍ تٌمَ، عٍ شُن سِنمَ نّ،
عٍ عٍ يَتَفِ نْشُن،
بَرِ مَ ﭑ تَن عَلَ مُ عٍ يَابِمَ.»
8 كْنْ عَلَ شَشِلِ سّنِيّنشِ بَرَ سّنبّ قِ ﭑ مَ،
تِنشِنيِ نُن لِمَنِيَ بَرَ لُ ﭑ يِ رَ،
عَلَكٌ ﭑ شَ يَشُبَ بْنسْييٍ رَكٌلٌن عٍ شَ مُرُتّ رَ،
ﭑ شَ عِسِرَيِلَ شَ يُنُبِيٍ مَسٍن عَ بّ.
9 وٌ تَن يَشُبَ بْنسْييٍ يَرٍرَتِيٍ،
وٌ تَن عِسِرَيِلَ حَمَ شَ مَنفّيٍ،
وٌ شَ وٌ تُلِ مَتِ ﭑ نَ.
وٌ نَ تِنشِنيِ شْنقٍ، وٌ عَ مَقِندِ.
10 وٌ نَ مِشِيٍ نِي بَقٍ سِيٌنِ تِقٍ رَ،
وٌ نَ دَرِ سَلَمُ تِقٍ تِنشِنتَرٍيَ كُي.
11 عٍ شَ مَنفّيٍ كِيتِ سَمَ كْبِرِ سْتْقٍ نَن مَ.
عٍ شَ سّرّشّدُبّيٍ شَرَنيِ تِمَ نَاقُلِ شَ قٍ نَن نَ.
عٍ شَ نَمِحْنمّيٍ مَسٍنيِيٍ تِمَ عٍ شَ فٍينِ نَن مَ.
كْنْ عٍ بِرِن عٍ يَ تِمَ عَلَتَلَ رَ، عٍ نُ عَ قَلَ مِشِيٍ بّ،
«عَلَتَلَ مُ نَ شّ وٌن يَ مَ؟
حَشَنكَتّ يٌ مُ وٌن لِمَ.»
12 وٌ شَ قٍ نَن يَتِ عَ نِيَمَ سِيٌنِ قَمَ بُشَدٍ عَلْ شّ،
دَرِ سَلَمُ قِندِ مَ نّ فّمّ مَلَنشِيٍ رَ،
قْتْنيِ قَ بُلَ هْرْ مْبَنشِ رَبِلِنيِ مَ.