4
كٍهَتِ شَ مِشِيٍ
1 عَلَتَلَ نَشَ عَ مَسٍن مُنسَ بّ،
2 «كٍهَتِ شَ دِيٍ تّنفّ لٍوِ بْنسْييٍ يَ مَ عَ شَبِلّ نُن عَ دٍنبَيَ كِ مَ،
3 نَشٍيٍ شَ سِمَيَ بَرَ حّ تٌنفٌ سَشَن لِ هَن حّ تٌنفٌ سُولِ، نَشٍيٍ قَمَ هْرْ مْلِنفِرَ وَلِ رَبَدٍ.
4 كٍهَتِ شَ دِيٍ لَنمَ عٍ شَ مّينِ سٍ سّنِيّنشِيٍ مَ نَشٍيٍ نَ هْرْ مْلِنفِرَ كُي.
5 عِسِرَيِلَكَيٍ نَ كٍلِ سِفَدٍ، هَرُنَ نُن عَ شَ دِ شّمّيٍ شَ دُفِ يَرَ سَ رَفٌرٌ، عٍ سَاتّ كَنكِرَ مَكٌتٌ عَ رَ.
6 نَ دَنفِ شَنبِ عٍ شَ قٌيٍ يّشّ كِرِ سَ نَ قَرِ، عَ نُن فّرّ دُفِ. عَ دْنشْي رَ عٍ شَ وُرِ كُيٍيٍ رَ سٌ كَنكِرَ تٌنفٌسٍيٍ رَ.»
7 «عٍ نَ فّرّ دُفِ فبّتّ عِتَلَ تٍيبِلِ مَ، عٍ شَ ثِلٍتِيٍ، تْنبِلِيٍ، نُن كُندِيٍ سَ نَ قَرِ، نَشٍيٍ رَوَلِمَ وّنِ سّرّشّيٍ رَ. تَامِ نَشَن بَمَ سّرّشّ رَ، نَ قَن سَمَ نّ نَ تٍيبِلِ نَن قَرِ.
8 عٍ دُفِ فبٍيلِ نَن سَمَ نَ بِرِن شُن مَ، عٍ قَ قٌيٍ يّشّ كِرِ عِتَلَ نَ قَرِ. نَ دَنفِ شَنبِ عٍ شَ وُرِ كُيٍيٍ رَ سٌ تٍيبِلِ تٌنفٌسٍيٍ رَ.»
9 «عٍ شَ فّرّ دُفِ دُ سُ لَنثُي دْشْسٍ، لَنثُييٍ، عَ يِرَبَسٍيٍ، شُبٍ سَسٍيٍ، نُن تُرٍ كُندِيٍ شُن مَ.
10 عٍ شَ نَ بِرِن مَقِلِن قٌيٍ يّشّ كِرِ نَن كُي، عٍ قَ عَ سَ شَنِنسٍ قَرِ.
11 عٍ شَ فّرّ دُفِ عِتَلَ سّرّشّبَدٍ شّيمَ دَاشِ قَرِ، عٍ قَ عَ مَكٌتٌ قٌيٍ يّشّ كِرِ رَ، عٍ وُرِ كُيٍيٍ رَ سٌ عَ تٌنفٌسٍيٍ رَ.
12 نَ هْرْ مْلِنفِرَ رَشُنمَسٍ بِرِن مَكٌتٌمَ فَرّ دُفِ نَن نَ، عٍ عٍ مَقِلِن قٌيٍ يّشّ كِرِ كُي، عٍ قَ نَ سَ شَنِنسٍ قَرِ.
13 عٍ شَ شُبٍ بَ سّرّشّبَدٍ وُرٍ فبٍيلِ دَاشِ كُي، عٍ قَ دُفِ فبٍيلِ دُ سُ عَ شُن نَ.
14 عٍ نَ عَ يِرَبَسٍيٍ سَ عَ قَرِ، عَلْ سُرَيِ فَنسٍيٍ، سُشُمّيٍ، ثٍلِيٍ، نُن ثْوتِ شُنفبٍيٍ، عٍ شَ نَ بِرِن مَقِلِن قٌيٍ يّشّ كِرِ رَ، عٍ قَ وُرِ كُيٍيٍ رَ سٌ عَ تٌنفٌسٍ رَ.
15 هَرُنَ نُن عَ شَ دِ شّمّيٍ نَ فّ نَ شُنمَسٍ سّنِيّنشِيٍ نُن عَ يِرَبَسٍيٍ مَكٌتٌدٍ، كٍهَتِ شَ دِيٍ لَنمَ عٍ شَ نَ بِرِن شَنِن بِيَاسِ كُي. كْنْ عٍ مُ لَنمَ عٍ شَ دِن نَ سٍ سّنِيّنشِيٍ رَ شَ نَ مُ عٍ قَشَمَ نّ. كٍهَتِ بْنسْييٍ شَ وَلِ نَن نَ كِ.
16 هَرُنَ سّرّشّدُبّ شَ دِ شّمّ عٍلٍيَسَرِ نَن عَ حْشْ سَمَ لَنثُي تُرٍ، سُرَيِ، سَنسِ سّرّشّ، نُن تُرٍ سّنِيّنشِ شْن مَ. هْرْ مْلِنفِرَ رَشُنمَسٍ سّنِيّنشِيٍ نُن عَ يِرَبَسٍ بِرِن تَشُشِ عَ تَن نَن نَ.»
17 عَلَتَلَ نَشَ عَ مَسٍن مُنسَ نُن هَرُنَ بّ،
18 «وٌ نَشَ لُ كٍهَتِ بْنسْي شَبِلّيٍ شَ بَ لٍوِ بْنسْي يَ مَ.
19 هَرُنَ نُن عَ شَ دِ شّمّيٍ شَ عٍ مَتِ هْرْ مْلِنفِرَ كُي، عٍ قَ عٍ شَ وَلِ مَسٍن كَنكَن بّ عَلَكٌ عٍ نَشَ عٍ مَكْرّ سٍ سّنِيّنشِيٍ رَ، عٍ قَ قَشَ.
20 عٍ مُ لَن عٍ شَ عٍ يَ مَسَ سٍ سّنِيّنشِيٍ مَ، هَلِ دٌندٌرٌنتِ، شَ نَ مُ عٍ قَشَمَ نّ.»
فٍرِ سٌن شَ مِشِيٍ
21 عَلَتَلَ نَشَ عَ مَسٍن مُنسَ بّ،
22 «فٍرِ سٌن بْنسْي تّنفّ عَ شَبِلّ نُن عَ دٍنبَيَ كِ مَ،
23 نَشٍيٍ شَ سِمَيَ بَرَ حّ تٌنفٌ سَشَن لِ هَن حّ تٌنفٌ سُولِ، نَشٍيٍ قَمَ هْرْ مْلِنفِرَ وَلِ رَبَدٍ.
24 فٍرِ سٌن شَبِلّ شَ وَلِ نَن يِ كِ.
25 عٍ هْرْ مْلِنفِرَ مَقٍلٍنيِيٍ نَن شَنِنمَ، عَ نُن مَقٍلٍنيِ نَشَن يَءِلَنشِ قٌيٍ يّشّ كِرِ رَ، عَ نُن مَقٍلٍنيِ نَشَن فبَكُشِ هْرْ مْلِنفِرَ سٌدٍ دّ رَ.
26 عٍ شَ تّتّ مَقٍلٍنيِيٍ قَن شَنِن نَشٍيٍ هْرْ مْلِنفِرَ نُن سّرّشّبَدٍ رَبِلِنمَ، عَ نُن نَشَن فبَكُشِ تّتّ سٌدٍ دّ رَ، عَ نُن تّتّ لُوتِيٍ. عٍ شَ عٍ حْشْ سَ نَ سٍ مْولِ بِرِن شْن مَ.
27 فٍرِ سٌن شَبِلّ وَلِمَ هَرُنَ نُن عَ شَ دِ شّمّيٍ شَ يَامَرِ نَن بُن مَ، عَ قِندِ كٌتٍيٍ شَنِنقٍ رَ، عَ قِندِ وَلِ فبّتّ رَبَقٍ رَ. نٍيٍ نَن عَ قَلَمَ عٍ بّ عٍ لَن عٍ شَ نَشَن نَبَ، عَ نُن عٍ لَن عٍ شَ نَشَن شَنِن.
28 فٍرِ سٌن بْنسْي شَ وَلِ نَن نَ كِ هْرْ مْلِنفِرَ شَ قٍ رَ. عٍ نَ وَلِ رَبَمَ هَرُنَ سّرّشّدُبّ شَ دِ شّمّ عِتَمَرِ شَ يَامَرِ نَن بُن مَ.»
مٍرَرِ شَ مِشِيٍ
29 «عِ شَ مٍرَرِ بْنسْي قَن تّنفّ عَ شَبِلّ نُن عَ دٍنبَيَ كِ مَ،
30 نَشٍيٍ شَ سِمَيَ بَرَ حّ تٌنفٌ سَشَن لِ هَن حّ تٌنفٌ سُولِ، نَشٍيٍ قَمَ هْرْ مْلِنفِرَ وَلِ رَبَدٍ.
31 سٍيٍ نَن يِ كِ عٍ تَن لَن عٍ شَ نَشٍيٍ مَشَنِن هْرْ مْلِنفِرَ سٍيٍ رَ؛ عَ شٍبٍنيِيٍ، عَ وُرِ كُيٍيٍ، عَ كْنتِفِبَيٍ، نُن عٍ سَنبُنيِيٍ.
32 عٍ شَ تّتّ قَن شَنِن، عَ نُن عَ كْنتِفِبَيٍ، عٍ سَنبُنيِيٍ، عٍ سْرْنسٍيٍ، عٍ شَ لُوتِيٍ، عٍ شَ يِرَبَسٍيٍ، نُن عٍ شَ وَلِسٍ بِرِن. وٌ سٍيٍ مَسٍن كَنكَن بّ، عَ لَنمَ عَ شَ نَشٍيٍ شَنِن.
33 مٍرَرِ بْنسْييٍ شَ وَلِ بِرِن نَن نَ كِ هْرْ مْلِنفِرَ شَ قٍ رَ. عٍ وَلِمَ هَرُنَ سّرّشّدُبّ شَ دِ شّمّ عِتَمَرِ شَ يَامَرِ نَن بُن مَ.»
وَلِكّيٍ تّنفّقٍ لٍوِ بْنسْي يَ مَ
34 مُنسَ، هَرُنَ، نُن حَمَ كُنتِفِيٍ نَشَ كٍهَتِ شَ مِشِيٍ تّنفّ عٍ شَبِلّ نُن عٍ شَ دٍنبَيَ كِ مَ،
35 شّمّ نَشٍيٍ شَ سِمَيَ بَرَ حّ تٌنفٌ سَشَن لِ هَن حّ تٌنفٌ سُولِ، نَشٍيٍ قَمَ هْرْ مْلِنفِرَ وَلِ رَبَدٍ.
36 عٍ شَسَبِ لَن مِشِ وُلُ قِرِن، مِشِ كّمّ سٌلٌقٍرٍ، تٌنفٌ سُولِ نَن مَ.
37 شّمّيٍ نَن نَ كِ كٍهَتِ شَبِلّيٍ يَ مَ نَشٍيٍ هْرْ مْلِنفِرَ وَلِ رَبَمَ. مُنسَ نُن هَرُنَ بَرَ عٍ تّنفّ عَلْ عَلَتَلَ مُنسَ يَمَرِشِ كِ نَشّ.
38 عٍ نَشَ فٍرِ سٌن شَ مِشِيٍ تّنفّ عٍ شَبِلّ نُن عٍ شَ دٍنبَيَ كِ مَ،
39 شّمّ نَشٍيٍ شَ سِمَيَ بَرَ حّ تٌنفٌ سَشَن لِ هَن حّ تٌنفٌ سُولِ، نَشٍيٍ قَمَ هْرْ مْلِنفِرَ وَلِ رَبَدٍ.
40 عٍ شَسَبِ لَن مِشِ وُلُ قِرِن، كّمّ سٍننِ، تٌنفٌ سَشَن نَن مَ.
41 شّمّيٍ نَن نَ كِ فٍرِ سٌن شَبِلّيٍ يَ مَ نَشٍيٍ هْرْ مْلِنفِرَ وَلِ رَبَمَ. مُنسَ نُن هَرُنَ بَرَ عٍ تّنفّ عَلْ عَلَتَلَ مُنسَ يَمَرِشِ كِ نَشّ.
42 عٍ نَشَ مٍرَرِ شَ مِشِيٍ تّنفّ عٍ شَبِلّ نُن عٍ شَ دٍنبَيَ كِ مَ،
43 شّمّ نَشٍيٍ شَ سِمَيَ بَرَ حّ تٌنفٌ سَشَن لِ هَن حّ تٌنفٌ سُولِ، نَشٍيٍ قَمَ هْرْ مْلِنفِرَ وَلِ رَبَدٍ.
44 عٍ شَسَبِ لَن مِشِ وُلُ سَشَن مِشِ كّمّ قِرِن نَن مَ.
45 شّمّيٍ نَن نَ كِ مٍرَرِ شَبِلّيٍ يَ مَ نَشٍيٍ هْرْ مْلِنفِرَ وَلِ رَبَمَ. مُنسَ نُن هَرُنَ بَرَ عٍ تّنفّ عَلْ عَلَتَلَ مُنسَ يَمَرِشِ كِ نَشّ.
46 مُنسَ، هَرُنَ، نُن عِسِرَيِلَ كُنتِفِيٍ، عٍ لٍوِ بْنسْي مِشِ نَشٍيٍ تّنفّشِ عٍ شَبِلّ نُن عٍ شَ دٍنبَيَ كِ مَ،
47 شّمّ نَشٍيٍ شَ سِمَيَ بَرَ حّ تٌنفٌ سَشَن لِ هَن حّ تٌنفٌ سُولِ، نَشٍيٍ قَمَ هْرْ مْلِنفِرَ وَلِ رَبَدٍ.
48 عٍ شَسَبِ لَن مِشِ وُلُ سٌلٌمَسَشَن، كّمّ سُولِ، تٌنفٌ سٌلٌمَسَشَن نَن مَ.
49 شّمّيٍ نُن عٍ شَ وَلِيٍ نَن نَ كِ لٍوِ نَشٍيٍ تّنفّشِ مُنسَ نُن هَرُنَ سَابُي رَ عَلْ عَلَتَلَ مُنسَ يَمَرِشِ كِ نَشّ.