5
مِشِ سّنِيّنتَرٍيٍ، هَاكّ تٌنفٌي، نُن يّنّلَيٍ
عَلَتَلَ نَشَ عَ مَسٍن مُنسَ بّ، «عِسِرَيِلَكَيٍ يَمَرِ عٍ شَ كُنّ كَنيِ نُن كْرْ سِلَ كَنيِ بِرِن نَمِنِ عٍ يٌنكِندٍ، عَ نُن مِشِ نَشٍيٍ دِنشِ قُرٍ ندٍ رَ، عٍ قَ قِندِ سّنِيّنتَرٍيٍ رَ. عَ قِندِ شّمّ رَ، عَ قِندِ فِنّ رَ، وٌ عٍ رَ مِنِ وٌ يَ مَ، عٍ شَ سَ لُ عٍ شَتِ مَ عَلَكٌ عٍ نَشَ سّنِيّنتَرٍحَ رَ سٌ وٌ يَ مَ، ﭑ سَبَتِشِ دّننَشّ.» عِسِرَيِلَكَيٍ نَشَ عَ رَبَ عَلْ عَلَتَلَ عَ يَمَرِشِ كِ نَشّ، عٍ نَشَ نَ مِشِيٍ رَ مِنِ عٍ يَ مَ. عَلَتَلَ عَ يَمَرِ كِ نَشّ مُنسَ بّ، عٍ نَشَ عَ رَبَ نَ كِ.
عَلَتَلَ نَشَ عَ مَسٍن مُنسَ بّ، «عَ قَلَ عِسِرَيِلَكَيٍ بّ، عَ قِندِ شّمّ رَ، عَ قِندِ فِنّ رَ، نَشَن يٌ نَ هَاكّ ندٍ رَبَ عَ بٌورٍ رَ، هَاكّ نَشَن قِندِ مَ عَلَتَلَ شُي مَتَندِقٍ رَ، نَ قٍ دْشْشِ عَ شُن مَ. عَ لَن نّ عَ شَ عَ تِ نَ هَاكّ رَ، عَ شَ نَ قٍ يَءِلَن عَ نُن نَ كَنيِ تَفِ، عَ مَن قَ نَ قٍ كَنَشِ دْشْ سُولِ ندٍ سَ نَ قَرِ. شَ عَ سَ لِ عَ هَاكّ رَبَشِ نَشَن نَ، عَ بَرَ قَشَ، عَ شَ مِشِ يٌ مُ نَ نَشَن نْمَ نَ قٍ يَءِلَنشِ رَ سُشُدٍ، نَ قِندِ مَ عَلَتَلَ نَن فبٍ رَ، عَ سٌ سّرّشّدُبّ يِ رَ. قٍ كَنّ مَن قَ يّشّي كٌنتٌنيِ كٍرٍن بَ عَ شَ يُنُبِ شَقَرِ رَ، عَ عَ سٌ سّرّشّدُبّ يِ رَ. عِسِرَيِلَكَيٍ نَ سّرّشّ بَ، عٍ عَ قِ سّرّشّدُبّ مَ، نَ سّرّشّ قِندِ مَ نَ سّرّشّدُبّ نَن فبٍ رَ. 10 نَشَن بِرِن سّرّشّ بَمَ، عَ نَشَن بَمَ، عَ فبٍ نَن نَ كِ، كْنْ عَ نَشَن قِمَ سّرّشّدُبّ مَ، سّرّشّدُبّ فبٍ نَن نَ كِ.»
11 عَلَتَلَ نَشَ عَ مَسٍن مُنسَ بّ، 12 «عَ قَلَ عِسِرَيِلَكَيٍ بّ، عٍ يِ نَن نَبَمَ شَ فِنّ ندٍ سَ يّنّ رَبَ. 13 شَ عٍ نُن شّمّ فبّتّ بَرَ عٍ سَ فُندٌ رَ، فِنّ شَ مْرِ مُ نَ كٌلٌن، سٍيدٍ مُ نَ، مِشِ مُ عَ سُشُ عَ كُي، 14 كْنْ عَ شَ مْرِ بَرَ عَ شَ فِنّ تْونّ قْلْ، شَ عَ شَ فِنّ سّنِيّنشِ، شَ نَ مُ عَ مُ سّنِيّنشِ، 15 عَ شَ عَ شَ فِنّ شَنِن سّرّشّدُبّ يِرٍ، عَ مّنفِ كِلٌ سَشَن بَ عَ بّ سّرّشّ رَ تُرٍ نُن سُرَيِ مُ نَ نَشَن شُن، بَرِ مَ تْونّ سّرّشّ نَن عَ رَ نَشَن بَمَ عَ كٌلٌنقٍ رَ شَ يُنُبِ رَبَشِ.»
16 «سّرّشّدُبّ شَ نَ فِنّ تِ عَلَتَلَ يَ عِ، 17 عَ قَ شُبٍ مَكْ بْشِ مَ هْرْ مْلِنفِرَ كُي، عَ عَ مَسُنبُ يٍ سّنِيّنشِ رَ قّحّ كُي. 18 فِنّ نَ تِ عَلَتَلَ يَ عِ، سّرّشّدُبّ شَ عَ شُنسّشّ قُلُن، عَ قَ تْونّ سّرّشّ سَ فِنّ بّلّشّ مَرَتُسٍ رَ. سّرّشّدُبّ تَن شَ نَ يٍ تٌنفٌ نَشَن قِندِ مَ دَنكَ رَ، عَ عَ لِنتَن فِنّ يَ عِ.»
19 «سّرّشّدُبّ فِنّ رَكَلِمَ نّ، عَ عَ قَلَ، ‹شَ عَ سَ لِ عِ تَن نُن شّمّ فبّتّ مُ كَقُشِ، عِ مُ عِ شَ مْرِ يَنقَ، عِ مُ سّنِيّنتَرٍحَ سْتْ قُتِ كُي، عِ شَ رَتَنفَ دَنكّ مَ يِ يٍ قَمَ نَشَن نَ. 20 كْنْ شَ عَ سَ لِ، عِ بَرَ عِ شَ مْرِ يَنقَ وٌ شَ قُتِ كُي، عِ نُن شّمّ فبّتّ بَرَ كَقُ سّنِيّنتَرٍحَ كُي، 21 عَلَتَلَ شَ عَ رَفِرِ عِ قُرِ شَ كَنَ. نَ كُي عِ نفَشَكٍرٍنيِيٍ عِ دَنكَمَ نّ، عٍ عِ كٌنبِ. 22 يِ يٍ نَشَن قَمَ دَنكّ رَ، عَ شَ عِ قُرِ مَقُنتُ، عَ عِ شْرّ مَبَ.› فِنّ شَ عَ رَتِن عَ قَلَقٍ رَ، ‹عَمِنَ، عَمِنَ.›»
23 «سّرّشّدُبّ نَ فّ نَ دَنكّ سّبّدٍ كِرِ مَ، عَ شَ نَ كِرِ شَ نَ يٍ سّنِيّنشِ رَ، 24 عَ قَ عَ قِ فِنّ مَ، عَ شَ عَ مِن. نَ يٍ نَشَن نْمَ قِندِدٍ دَنكّ رَ، عَ سٌمَ عَ قَتٍ عِ. 25 سّرّشّدُبّ تْونّ سّرّشّ رَ سُشُمَ نّ فِنّ يِ رَ، عَ عَ دّنتّفّ عَلَتَلَ بّ سّرّشّبَدٍ يِرٍ. 26 سّرّشّدُبّ شَ مّنفِ سُشُي كٍرٍن فَن سّرّشّبَدٍ قَرِ، عَ قِندِ سّرّشّ تْنشُمَ رَ. عَ نَ فّ نَ رَ، عَ شَ نَ يٍ قِ فِنّ مَ، عَ شَ عَ مِن. 27 عَ نَ نَ يٍ مِن، شَ عَ سَ لِ نَ فِنّ بَرَ قِندِ سّنِيّنتَرٍ رَ، عَ بَرَ عَ شَ مْرِ يَنقَ، نَ يٍ نَشَن قِندِ مَ دَنكّ رَ، عَ سٌمَ نّ عَ قَتٍ عِ، عَ عَ تْورْ كِ قَنيِ رَ. عَ قُرِ قُنتُمَ نّ، عَ شْرّ مَبَمَ نّ، عَ نفَشَكٍرٍنيِيٍ قَمَ نّ عَ دَنكَدٍ.»
28 «كْنْ شَ عَ سَ لِ عَ مُ سّنِيّنتَرٍحَ يٌ رَبَشِ، تْوحّفّ بَمَ نّ عَ شُن مَ، عَ مَن نْمَ دِ بَرِدٍ. 29 تْونّ سّرِيّ نَن نَ كِ نَشَن نَوَلِمَ شَ فِنّ قِندِ مَ سّنِيّنتَرٍ رَ، عَ عَ شَ مْرِ يَنقَ قُتِ كُي، 30 شَ نَ مُ عَ رَ، تْونّ شَشِلِ نَ سٌ شّمّ قُرِ، عَ قَ سِيكّ عَ شَ فِنّ مَ. عَ عَ شَ فِنّ شَنِنمَ عَلَتَلَ يَ عِ، سّرّشّدُبّ قَ نَ سّرِيّ رَبَتُ عَ شَ قٍ رَ. 31 نَ كُي يُنُبِ مُ نَ نَ شّمّ مَ، كْنْ فِنّ تَن عَ شَ يُنُبِ سَرٍ سْتْمَ نّ.»