4
كّحَ مَسَرَقٍ
عِسَ شَ تْورّ دُنِحَ بّندّ قُحِ قَرِ، عَ شَ قِندِ مِسَالِ رَ وٌ بّ، نَشَن عَ نِيَمَ وٌ شَ لِمَنِيَ. دَنشَنِيَتْي نَشَن قَتٍ حَشَنكَتَمَ، نَ بَرَ يُنُبِ قٍ لُ نَ. نَ كُي، عَ بَرَ دُنِحَ وَشْنقٍ لُ نَ، عَ شَ بِرَ عَلَ وَشْنقٍ قْشْ رَ عَ شَ سِمَيَ كُي نَشَن لُشِ. وٌ تّمُي نَشَن نَبَشِ دُنِحَ وَشْنقٍ قْشْ رَ، نَ بَرَ وَ سَكّ. وٌ بَرَ بُ دُنِحَ قٍ كٌبِ كُي عَلْ يّنّ رَبَقٍ، سِيسِقٍ، شُلُنيِ حَاشِ، بٍيرٍ مِنقٍ، نُن كُيٍ بَتُقٍ، نَشَن قِندِشِ قٍ حَاشِ رَ. دُنِحَ مِشِيٍ دّ بَرَ عِشَرَ، بَرِ مَ وٌ مُ بِرَ مَ عٍ قْشْ رَ سْنْن نَ دُنِحَ قٍيٍ رَبَدٍ. نَ كُي، عٍ وٌ شِلِ كَنَمَ، كْنْ عٍ دّنتّفّ سَمَ نّ كِيتِسَ بّ، نَشَن قَمَ مِشِ بَلٌشِيٍ نُن قَشَمِشِيٍ مَكِيتِدٍ. نَ نَن عَ رَ، عَلَ شَ شِبَارُ قَنيِ نَشَ عِبَ قَشَمِشِيٍ قَن بّ، عَلَكٌ عَلَ شَ عٍ نِي رَكِسِ، هَلِ مِشِيٍ تٌ بَرَ فّ عٍ قَتٍ تَن مَكِيتِدٍ.
وٌ بٌرٍ مَلِقٍ
لْشْ دْنشْي بَرَ مَكْرّ. وٌ شَ وٌ شَشِلِ رَشَرَ، وٌ شَ وٌ يّتّ سُشُ، عَلَكٌ وٌ شَ نْ عَلَ مَشَندِدٍ. عَ فبٍنفبٍنيِ وٌ شَ وٌ بٌرٍ شَنُ عَ قَنيِ رَ، بَرِ مَ شَنُنتٍيَ يُنُبِ فبٍفبٍ نَن مَكٌتٌمَ. وٌ شَ وٌ بٌرٍ رَ سّنّ بْحّ قَنيِ رَ، هَلِ وٌ مُ عَ قِندِ وْيّن شُنشُرِ رَ. 10 عَلَ هِننّشِ وٌ رَ كِ نَشّ، وٌ قَن شَ هِننّ وٌ بٌرٍ رَ نَ كِ نّ، عَلَكٌ وٌ شَ قِندِ عَلَ شَ وَلِكّ قَنيِيٍ رَ، نَشٍيٍ عَ شَ هِننّ عِتَشُنمَ. 11 شَ مِشِ وَ مَ مَسٍنيِ ندٍ تِقٍ، عَ شَ عَلَ شَ مَسٍنيِ تِ. شَ مِشِ وَ مَ عَ بٌورٍ مَلِقٍ، عَ شَ نَ رَبَ عَلَ سّنبّ رَ، عَلَكٌ عَلَ شَ مَتْشْي سْتْ عَ شَ مِشِ سُفَندِشِ عِسَ سَابُي رَ. مَتْشْي نُن سّنبّ نَ عَ بّ عَبَدَن. عَمِنَ.
عِسَيَنكَيٍ شَ تْورّ
12 ﭑ شَنُنتٍنيِيٍ، نَ حَشَنكَتّ نَشَ وٌ تّرّننَ، وٌ نَشَن تٌقٍ. قٍ نّينّ مُ عَ رَ. 13 تْورْقٍ عَلْ عَلَ شَ مِشِ سُفَندِشِ تْورْ كِ نَشّ، نَ شَ قِندِ سّيوّ رَ وٌ بّ، عَلَكٌ وٌ مَن شَ حّلّشِن عَ شَ نْرّ مَسٍن لْشْي. 14 شَ عٍ وٌ كٌنبِ عَلَ شَ مِشِ سُفَندِشِ شِلِ شَ قٍ رَ، هّيرِ نَ وٌ بّ، بَرِ مَ عَلَ شَشِلِ نْرْشِ نَ وٌ مَ. 15 وٌ نَشَ حَشَنكَتّ سْتْ نِي بَقٍ مَ، مُحّ تِقٍ مَ، قٍ كٌبِ رَبَقٍ مَ، شَ نَ مُ عَ رَ نَاقِشِيَ مَ. 16 كْنْ شَ وٌ حَشَنكَتّ سْتْ بَرِ مَ عِسَيَنكَيٍ نَن وٌ رَ، وٌ نَشَ يَافِ، وٌ شَ عَلَ مَتْشْ عِسَيَنكَ شِلِ شَ قٍ رَ.
17 حَشَنكَتّ وَشَتِ بَرَ وَ قْلْقٍ عَلَ شَ حَمَ مَ. شَ عَ قْلْ وٌن تَن مَ، عَ رَحْنمَ دَنشَنِيَتَرٍيٍ مَ دِ؟ 18 «شَ تِنشِنتْي كِسِقٍ شْرْشْ، عَلَ كٌلٌنتَرٍ نُن يُنُبِتْي تَن لُمَ دِ؟» 19 مِشِ نَشٍيٍ حَشَنكَتَمَ، بَرِ مَ عٍ نَ عَلَ وَشْنقٍ رَبَقٍ، عٍ شَ عٍ شَشِلِ تِ عٍ دَالِ مَنفّ رَ نَشَن شَ لَنلَنتٍيَ مُ كَنَمَ.