13
عَمِنٌن نُن تَمَرِ
1 نَ تٌ دَنفِ، قٍ ندٍ نَشَ دَوُدَ شَ دِ عَبِسَلٌمِ شُنيَ فِنّمَ تٌقَنيِ تَمَرِ لِ. دَوُدَ شَ دِ عَمِنٌن نَشَ عَ شَنُ قْلْ.
2 عَ نَشَ وَ عَ مَافِنّ تَمَرِ شْن مَ هَن نَ نَشَ قِندِ عَ بّ قُرٍ رَ. فِنّ دِ مّدِ نَن نُ عَ رَ، كْنْ عَمِنٌن مُ نْمَ عَ مَكْرّدٍ عَ رَ.
3 عَمِنٌن بٌورٍ ندٍ نُ نَ نَ، نَشَن نُ شِلِ يٌنَدَبٌ، دَوُدَ تَارَ سِمٍيَ شَ دِ. عَ نُ كْوتَ كِ قَنيِ رَ.
4 عَ نَشَ عَ بٌورٍ مَشْرِن، «مَنفّ شَ دِ، مُنقٍ رَ عِ يَتَفِ عِشْنْشِ لْشْي يٌ لْشْي؟ عَ قَلَ ﭑ بّ.» عَمِنٌن نَشَ عَ يَابِ، «ﭑ وَ مَ ﭑ بَرِبٌورٍ عَبِسَلٌمِ مَافِنّ تَمَرِ نَن شْن.»
5 يٌنَدَبٌ نَشَ عَ قَلَ عَ بّ، «عِ نَشَن نَبَمَ، عِ شَ عِ سَ، عَلْ عِ نَ قُرَ عَ فبٍ رَ. عِ بَبَ نَ قَ عِ شّيبُدٍ، عِ شَ عَ مَيَندِ عَ قَلَقٍ رَ، ‹عَ لُ ﭑ مَافِنّ تَمَرِ شَ قَ ﭑ يِرٍ، عَ شَ دٌنسٍ يَءِلَن ﭑ يَ شْرِ، عَ عَ سٌ ﭑ يِ رَ عَ يّتّ رَ.›»
6 نَ تّمُي عَمِنٌن نَشَ عَ سَ، عَلْ عَ قُرَشِ نّ. مَنفّ تٌ قَ عَ شّيبُدٍ، عَ نَشَ عَ قَلَ عَ بّ، «يَندِ، عَ لُ تَمَرِ شَ قَ ﭑ يِرٍ، عَ شَ دٌنسٍ ندٍ يَءِلَن ﭑ يَ شْرِ، عَ عَ سٌ ﭑ يِ رَ عَ يّتّ رَ.»
7 دَوُدَ نَشَ مِشِيٍ شّي تَمَرِ شْنيِ، عَ قَلَقٍ رَ، «عِ شَ سِفَ عِ تَارَ عَمِنٌن شْنيِ، عَلَكٌ عِ شَ دٌنسٍ يَءِلَن عَ بّ.»
8 تَمَرِ نَشَ سٌ عَ تَارَ عَمِنٌن شَ بَنشِ كُي، عَ نَشَ عَ لِ عَ سَشِ. عَ نَشَ دٌنسٍ ندٍ يَءِلَن، عَ تُرٍ سَ عَ مَ، عَ عَ حِن عَ يَ تٌدٍ رَ.
9 عَ تٌ فّ، عَ نَشَ عَ مَكْرّ عَ رَ دٌنسٍ رَ عَ يِ تُندٍ كُي عَلَكٌ عَ شَ عَ سٌ عَ يِ رَ، كْنْ عَمِنٌن مُ تِن عَ دٌندٍ. عَ نَشَ يَامَرِ قِ مِشِ بِرِن شَ مِنِ. عٍ تٌ مِنِ،
10 عَ نَشَ عَ قَلَ تَمَرِ بّ، «قَ دٌنسٍ رَ ﭑ مَ كٌنكٌي كُي. عِ شَ عَ قِ ﭑ مَ عِ بّلّشّ رَ.» تَمَرِ نَشَ دٌنسٍ تٌنفٌ عَ نَشَن يَءِلَنشِ، عَ سِفَ عَ رَ عَ تَارَ شَ كٌنكٌي كُي.
11 عَ تٌ دٌنسٍ تِ عَ بّ، عَ نَشَ دُتُن عَ مَ، عَ عَ قَلَ عَ بّ، «ﭑ شُنيَ، وٌن شَ كَقُ!»
12 عَ مَافِنّ نَشَ عَ يَابِ، «ﭑ تَارَ يَندِ، عِ نَشَ دُتُن ﭑ مَ، بَرِ مَ نَ قٍ مْولِ مُ لَنمَ عَ شَ رَبَ عِسِرَيِلَ بْشِ مَ. عِ نَشَ يِ دَشُحَ رَبَ.
13 ﭑ نَ يَافِ مْولِ شَنِنمَ دِ؟ عِ شِلِ قَن كَنَمَ نّ عِسِرَيِلَ. عِ شَ مَنفّ مَيَندِ، عَ مُ تٌندِ مَ ﭑ قِدٍ عِ مَ.»
14 عَ مُ تِن عَ تُلِ مَتِدٍ عَ رَ، عَ نَشَ دُتُن عَ مَ، عَ عَ قُتِ كَنَ.
15 نَ تٌ بَ عَ رَ، تَمَرِ شَ قٍ نَشَ رَحَاشُ عَمِنٌن مَ، عَ قَ عَ قَلَ عَ بّ، «كٍلِ، عِ سِفَ!»
16 عَ نَشَ عَ يَابِ، عَ نَشّ، «عَدٍ! شَ عِ ﭑ كٍرِ، نَ حَاشُ دَنفِ عِ نَشَن نَبَشِ ﭑ نَ!» كْنْ عَمِنٌن مُ عَ تُلِ مَتِ عَ رَ.
17 عَ نَشَ عَ شَ كٌنيِ شِلِ، عَ عَ قَلَ عَ بّ، «يِ فِنّ كٍرِ ﭑ بّ، عِ قَ نَادّ بَلَن.»
18 عَمِنٌن شَ كٌنيِ نَشَ عَ كٍرِ، عَ نَادّ بَلَن عَلْ عَ قَلَشِ عَ بّ كِ نَشّ.
دٌنمَ نُ رَفٌرٌشِ تَمَرِ مَ، نَشَن حِنفِ مَسُنبُشِ. مَنفّ شَ دِ فِنّ نَشٍيٍ مُ نُ شّمّ قٍ كٌلٌن سِندٍن نُ دَرِشِ نَ دٌنمَ مْولِ رَ.
19 تَمَرِ نَشَ شُبٍ رَدِن عَ يّتّ شُن نَ، عَ عَ شَ دٌنمَ عِبْو عَ مَ. عَ نَشَ عَ بّلّشّيٍ سَ عَ شُن مَ، عَ سِفَ فبٍلٍفبٍلٍ رَ.
20 عَ تَارَ عَبِسَلٌمِ نَشَ عَ مَشْرِن، «عِ تَارَ عَمِنٌن بَرَ دُتُن عِ مَ؟ ﭑ شُنيَ، عِ سَبَرِ. عِ نَشَ كْنتْقِلِ يِ شَ قٍ رَ. عِ تَارَ نَن عَ رَ.» كَبِ نَ تّمُي تَمَرِ نَشَ سَبَتِ عَ تَارَ عَبِسَلٌمِ شْنيِ سُننُنيِ كُي.
21 مَنفّ دَوُدَ تٌ نَ قٍ كٌلٌن، عَ نَشَ شْنْ كِ قَنيِ.
22 عَبِسَلٌمِ مُ سٍسٍ قَلَ عَمِنٌن بّ نَ شَ قٍ رَ، كْنْ شْننَنتٍيَ نَشَ لُ عَ بْحّ كُي عَمِنٌن مَبِرِ، بَرِ مَ عَ نُ بَرَ قٍ كٌبِ رَبَ عَ مَافِنّ تَمَرِ رَ.
23 حّ قِرِن دَنفِ شَنبِ، عَبِسَلٌمِ شَ وَلِكّيٍ نُ نَ عَ شَ يّشّي شَبٍ مَشَبَقٍ بَلِ شَسٌرِ، عٍقِرَ مِ بْشِ قّ مَ. عَبِسَلٌمِ نَشَ مَنفّ شَ دِ بِرِن شِلِ نَا، عٍ شَ شُلُنيِ رَبَ.
24 عَبِسَلٌمِ نَشَ سِفَ مَنفّ يِرٍ، عَ نَشّ، «مَنفّ، ﭑ مَ يّشّيٍ شَبٍ شَبَ تّمُي بَرَ عَ لِ. شَ عِ سَ تِنمَ، عِ شَ قَ عَ نُن عِ شَ مِشِيٍ نَ شُلُنيِ.»
25 مَنفّ نَشَ عَبِسَلٌمِ يَابِ، عَ نَشّ، «عَدٍ، ﭑ مَ دِ، عَ مُ لَنمَ مُشُ بِرِن شَ سِفَ، شَ نَ مُ عَ رَ عَ قِندِ مَ كٌتٍ شُنفبٍ نَن نَ عِ بّ.» عَبِسَلٌمِ نَشَ عَ كَرَشَن، كْنْ مَنفّ نَشَ تٌندِ، عَ قَ دُبَ عَ بّ.
26 عَبِسَلٌمِ نَشّ، «ﭑ بَ، شَ قٍ نَ نَ كِ نّ، عَ لُ ﭑ شُنيَ عَمِنٌن تَن شَ قَ.» مَنفّ نَشّ، «مُنقٍ رَ؟»
27 عَبِسَلٌمِ نَشَ عَ كَرَشَن، هَن مَنفّ نَشَ تِن عَمِنٌن نُن مَنفّ شَ دِ بِرِن شَ سِفَ نَ شُلُنيِ.
28 عَبِسَلٌمِ نَشَ عَ قَلَ عَ شَ كٌنيِيٍ بّ، «عَمِنٌن نَ سِيسِ، ﭑ قَمَ يَامَرِ قِدٍ وٌ مَ وٌ شَ عَ قَشَ. نَ وَشَتِ هَلِ وٌ مُ فَاشُ، ﭑ تَن نَن وٌ يَمَرِشِ. وٌ شَ لِمَنِيَ، وٌ عَ قَشَ.»
29 عَبِسَلٌمِ شَ كٌنيِيٍ نَشَ نَ رَبَ عَمِنٌن نَ، عَلْ عَبِسَلٌمِ عٍ يَمَرِشِ كِ نَشّ. مَنفّ شَ دِ بِرِن تٌ نَ تٌ، عٍ نَشَ عٍ فِ عٍ شَ سٌي قَرِ.
30 مَنفّ دَوُدَ نَشَ نَ شِبَارُ مّ بٍينُ عٍ شَ عَ يِرٍ لِ، عَ قَلَقٍ رَ، «عَبِسَلٌمِ بَرَ مَنفّ شَ دِ شّمّ بِرِن قَشَ، كٍرٍن مُ لُشِ.»
31 مَنفّ نَشَ عَ شَ دٌنمَ عِبْو سُننُنيِ كُي، عَ قَ فٌرٌ بْشِ مَ، عَ تَن نُن عَ شَ مِشِيٍ.
32 دَوُدَ تَارَ سِمٍيَ شَ دِ شّمّ يٌنَدَبٌ، نَشَ عَ قَلَ عَ بّ، «ﭑ مَرِفِ، عِ شَ دِ شّمّ بِرِن شَ مُ قَشَشِ. عَمِنٌن فبَنسَن نَن قَشَشِ. نَ نَتّ نُ نَ عَبِسَلٌمِ قُرِ كَبِ عَمِنٌن دُتُنشِ عَ مَافِنّ تَمَرِ مَ تّمُي نَشّ.
33 مَنفّ، عِ نَشَ لَ نَ شِبَارُ رَ، عَ قَلَقٍ رَ عِ شَ دِ شّمّ بِرِن بَرَ قَشَ. عَمِنٌن فبَنسَن نَن قَشَشِ.»
34 نَ كُي عَبِسَلٌمِ نَشَ عَ فِ. نَ تّمُي تَا مَكَنتّ نَشَ مِشِ فبٍفبٍ تٌ قَ رَ كِرَ شْن مَ كٍلِقٍ فٍيَ يِرٍ.
35 يٌنَدَبٌ نَشَ عَ قَلَ مَنفّ بّ، «عِ شَ دِيٍ نَن قَقٍ يِ كِ، عَلْ ﭑ عَ قَلَ عِ بّ كِ نَشّ.»
36 عَ حَن مُ فّ وْيّندٍ، مَنفّ شَ دِيٍ نَشَ سٌ وَ رَ. مَنفّ نُن عَ شَ مِشِيٍ قَن نَشَ وَ قْلْ.
37 عَبِسَلٌمِ نُ بَرَ عَ فِ، عَ سِفَ فٍسُرِ مَنفّ عَمِشُدِ شَ دِ شّمّ تَلَمَيِ شْنيِ. دَوُدَ عَ شَ دِ شَ حْنقٍ رَبَ نّ تّمُي شْنكُيٍ.
38 عَبِسَلٌمِ لُ نّ فٍسُرِ شْنيِ حّ سَشَن.
39 مَنفّ دَوُدَ بْحّ فٌرٌ نّ عَمِنٌن شَ قَشّ شَ قٍ رَ، عَ عَبِسَلٌمِ لُ نَ سِندٍن.