2
شَنُنتٍنيِيٍ شَ تٌقَنيِ
فِنّ شَ مَسٍنيِ شّمّ بّ
1 «ﭑ تَن لُمَ نّ عَلْ سَنسِ قُفٍ تٌقَنيِ،
نَشَن مْولِ تٌمَ سَرْن فُلُنبَ يِرٍ.»
شّمّ شَ مَسٍنيِ فِنّ بّ
2 «عِ تَن لُشِ نّ عَلْ سَنسِ قُفٍ تٌقَنيِ تُنبٍيٍ يَ مَ.
عِ تٌقَن فِنّدِ مّيٍ بِرِن بّ.»
فِنّ شَ مَسٍنيِ عَ شَ شّمّ شَ قٍ رَ
3 «ﭑ شَنُنتٍنيِ لُشِ نّ عَلْ مَنفٌي بِلِ وٌندِ كُي.
عَ قَن سّفّتَلَيٍ بِرِن بّ.
ﭑ بَرَ وَ لُقٍ عَ شَ نِينِ بُن مَ،
عَ شَ قٍ رَقَن ﭑ مَ عَلْ مَنفٌي رَقَنمَ مِشِ مَ كِ نَشّ.
4 عَ بَرَ ﭑ شَنِن عَ شْنيِ،
عَ شَ شَنُنتٍيَ بَرَ قِندِ حّلّشِنيِ رَ ﭑ بّ.»
فِنّ شَ مَسٍنيِ عَ شَ شّمّ بّ
5 «دٌنسٍ حْشُنمّ سٌ ﭑ يِ، ﭑ كِ مَنفٌي،
بَرِ مَ شَنُنتٍيَ نَشَن نَ ﭑ بْحّ كُي،
عَ بَرَ ﭑ سّنبّ بَ ﭑ يِ رَ.
6 ﭑ شُنيِ نَ ﭑ شَنُنتٍنيِ بّلّشّ،
عَ نَ ﭑ مَقُرُكُقٍ عَ يِرٍقَنيِ رَ.»
فِنّ شَ مَسٍنيِ فِنّدِ مّيٍ بّ
7 «دَرِ سَلَمُ فِنّدِ مّيٍ، ﭑ بَرَ وٌ مَيَندِ،
تْوكّ نُن شٍلِ شِلِ رَ نَشٍيٍ نَ وُلَ عِ،
وٌ نَشَ شَنُنتٍيَ رَشُنُ، وٌ نَشَ عَ رَكٍلِ،
بٍينُ عَ وَ مَ عَ شْن مَ تّمُي نَشّ.»
فِنّ شَ مَسٍنيِ عَ شَ شّمّ شَ قٍ رَ
8 «ﭑ شَنُنتٍنيِ شُي نَ عَ رَ،
عَ نَ قَقٍ عَ فِ رَ فٍيَيٍ قَرِ.
9 عَ فِمَ عَلْ تْوكّ، عَ تُفَنمَ عَلْ شٍلِ.
عَ نَ بٍ وٌن مَ تّتّ شَنبِ رَ،
عَ نَ بٍ مَتٌقٍ وُندّرِ رَ.
10 عَ نَشَ عَ قَلَ ﭑ بّ،
‹ﭑ شَنُنتٍنيِ تٌقَنيِ، كٍلِ، عِ شَ قَ،
11 بَرِ مَ حّمّ تّمُي بَرَ دَنفِ،
تُنّ مُ بِرَ مَ سْنْن.
12 سَنسِ نَ بٌفِقٍ دَاشَ،
حّلّشِن وَشَتِ بَرَ عَ لِ،
شْنِيٍ نَ عٍ شُي رَ مِنِقٍ وٌن مَ بْشِ مَ.
13 شْرّ بِلِ نَ بٌفِقٍ،
وّنِ بِلِ نَ قُفَقٍ، عَ شِرِ قَن.
ﭑ شَنُنتٍنيِ، كٍلِ، عِ شَ قَ.
14 ﭑ مَ فِنّ، عِ نَشَ عِ نْشُن
عَلْ فَنبّ عَ نْشُنمَ فّمّيٍ لٌنفٌرِ رَ كِ نَشّ.
مِنِ، ﭑ وَ مَ عِ شُي حْشُنمّ مّقٍ،
ﭑ وَ مَ عِ يَتَفِ تٌقَنيِ تٌقٍ.›»
شّمّ شَ مَسٍنيِ عَ شَ مِشِيٍ بّ
15 «وٌ شُلُمَسٍيٍ سُشُ،
نَشٍيٍ وَ مَ مُشُ شَ وّنِ بِلِ قُفَشِيٍ كَنَقٍ.»
فِنّ شَ مَسٍنيِ شّمّ بّ
16 «ﭑ شَنُنتٍنيِ قِندِشِ ﭑ فبٍ نَن نَ،
ﭑ قَن قِندِشِ عَ فبٍ نَن نَ.
عَ عَ شَ شُرُ سٍيٍ دّ مَدٌنمَ سَنسِ قُفَشِيٍ يَ مَ.
17 ﭑ شَنُنتٍنيِ، بٍينُ كُيٍ شَ عِبَ،
عِ شَ فبِلٍن، عِ شَ عِ فِ عَلْ تْوكّ،
عِ شَ عِ فِ فٍيَيٍ قَرِ عَلْ شٍلِ.»