3
فِنّ عَ شَنُنتٍنيِ قٍنقٍ
فِنّ شَ مَسٍنيِ شّمّ شَ قٍ رَ
1 «كْي رَ ﭑ بَرَ ﭑ شَنُنتٍنيِ قٍن ﭑ مَ سَدٍ مَ،
كْنْ ﭑ مُ عَ تٌشِ.
2 ﭑ نَشَ كٍلِ، ﭑ نَشَ مِنِ تَا كُي،
ﭑ شَ ﭑ شَنُنتٍنيِ تٌ، كْنْ ﭑ مُ عَ تٌشِ.
3 ﭑ تٌ تَا كَنتَمَيٍ لِ، ﭑ نَشَ عٍ مَشْرِن،
‹وٌ بَرَ ﭑ شَنُنتٍنيِ تٌ؟›
4 ﭑ تٌ دَنفِ عٍ رَ،
ﭑ نَشَ ﭑ شَنُنتٍنيِ لِ يِرٍ ندٍ،
ﭑ نَشَ عَ سُشُ، ﭑ مُ عَ لُ،
ﭑ نَشَ عَ شَنِن ﭑ نفَ شْنيِ،
عَ شَ كٌنكٌي كُي ﭑ بَرِشِ دّننَشّ.»
فِنّ شَ مَسٍنيِ فِنّدِ مّيٍ بّ
5 «دَرِ سَلَمُ فِنّدِ مّيٍ، ﭑ بَرَ وٌ مَيَندِ،
تْوكّ نُن شٍلِ شِلِ رَ نَشٍيٍ نَ وُلَ عِ،
وٌ نَشَ شَنُنتٍيَ رَشُنُ، وٌ نَشَ عَ رَكٍلِ،
بٍينُ عَ وَ مَ عَ شْن مَ تّمُي نَشّ.»
6 «ندٍ نَ قَقٍ كٍلِقٍ فبٍنفبٍرٍن يِرٍ؟
عَ نَ شُبٍ رَتٍقٍ عَلْ تُورِ.
نَ تُورِ لُشِ نّ عَلْ سُرَيِ تُورِ نَشَن شِرِ قَن.
7 سُلٍمَنِ رَفِسٍ نَ عَ رَ،
عِسِرَيِلَ شَ سْورِ فبَنفبَلَنيِ تٌنفٌ سٍننِ نَ عَ مَتِقٍ،
8 سَنتِدّفّمَ نَ عٍ بِرِن يِ رَ،
عٍ قَتَ فٍرٍ رَ، عٍ قَتَ مِشِ مَكَنتَدٍ كْي رَ.
9 مَنفّ سُلٍمَنِ رَفِسٍ نَ عَ رَ،
عَ يَءِلَنشِ وُرِ قَنيِ رَ نَشَن كٍلِشِ لِبَن.
10 عَ رَشُنمَشِ شّيمَ، فبٍتِ، نُن دُفِ فبٍيلِ رَ.
دَرِ سَلَمُ فِنّيٍ نُ بَرَ دُفِ دّفّ سُلٍمَنِ رَفِسٍ رَشُنمَقٍ رَ،
مَنفّ شَ مَرَقَنيِ شَ قٍ رَ.
11 سِيٌن فِنّدِ مّيٍ، وٌ شَ مَنفّ سُلٍمَنِ مَتٌ،
مَنفّ تْنشُمَ نَ عَ شُن مَ،
عَ نفَ نَشَن سٌشِ عَ يِ رَ عَ شَ قُتِ شِرِ لْشْي.
نَ لْشْي عَ نُ سّيوَشِ كِ قَنيِ رَ.»